یونوس امره انستیتوسونون مدنیت دیپلوماسی ساحه‌سیندکی تعلیم پروقرامی
یونوس امره انستیتوسو تورکیه-نین مدنیت دیپلوماسینی اینکیشاف ائتدیرمک و بوتون ساحه‌لرده تجروبه‌لرینی بؤلوشمک مقصدیله مدنیت دیپلوماسی آکادمیسی چرچیوه‌سینده ایستانبول-دا تعلیم پروقرامی تشکیل ائده‌جک.
یونوس امره انستیتوسو تورکیه-نین مدنیت دیپلوماسینی اینکیشاف ائتدیرمک و بوتون ساحه‌لرده تجروبه‌لرینی بؤلوشمک مقصدیله مدنیت دیپلوماسی آکادمیسی چرچیوه‌سینده ایستانبول-دا تعلیم پروقرامی تشکیل ائده‌جک.
میللی و اولوسلار آراسی آرئنادا مدنیت دیپلوماسی تطبیق‌لری باره‌ده معلومات صاحبی اولماق ایسته‌ین، بو ساحه‌ده آکادمیک و یا حرفه ای اولا‌راق فعالیت گؤسترمک و تورکیه-نین مدنیت دیپلوماسی پتانسیلینه تحفه وئرمک ایسته‌ین هر کس پروقراما مراجعت ائده بیله‌جک.
بیر سیرا تدبیرلرین کئچیریله جگی پروقراما مراجعت‌لر فوریه نین 15-دک داوام ائده‌جک.
پروقرامدا تعلیمچی‌لر آراسیندا پروفسور دوقتور ایلبر اورتایلی، آلو آلات‌لی، پروفسور دوقتور کنعان گورسوی، پاولینو تولئدو، لیلا ایپکچی، عمر توغرول اینانچر و عاشیه بؤهورلر کیمی شخص‌لر ده یئر آلا‌جاق.
بمت، آوروپا بیرلیگی، ناتو و یونوس امره انستیتوتو کیمی موختلیف میللی و اولوسلار آراسی تشکیلات‌لار ایله غیری-حکومت تشکیلات‌لاریندا ایشلمک ایسته‌ین‌لر اوچون فورصت اولماسی هدف گؤتورولن "مدنیت دیپلوماسی تطبیقی تعلیم پروقرامی" مارسین 2-ده باشلاییب 3 آی داوام ائده‌جک.
پروقرامدا آیریجا مدنیت دیپلوماسی ساحه‌سینده فعالیت گؤسترن خاریجی قوروم و تشکیلات‌لارین نماینده‌لری ده دستک اولا‌جاق.
