آنکارادا مولوی‌ سماع رقصی و موغام کونسرتی گئچیریلدی

آذربایجان موغام صنعتی و مولوی سماع رقص‌لری‌نین بمت-نین یونسکو (UNESCO) تشکیلاتی‌نین معنوی میراث لیسته'سی آلینماسی‌نین 10 ایللیگی موناسیبتیله تورکیه'نین باشکندی آنکارادا کؤزل کونسرت پروقرامی اولدو

آنکارادا مولوی‌ سماع رقصی و موغام کونسرتی گئچیریلدی

آذربایجان موغام صنعتی و مولوی سماع رقص‌لری‌نین بمت-نین یونسکو (UNESCO) تشکیلاتی‌نین معنوی میراث لیسته'سی آلینماسی‌نین 10 ایللیگی موناسیبتیله باغلی تورکیه'نین باشکندی آنکارادا جمهورباشقان‌لیغی سیمفونی اورکستر سالونوندا گؤزل کونسرت پروقرامی تقدیم اولوندو.

  تدبیر آذربایجان و تورکیه مدنیت ناظیرلیک‌لری، آذربایجان جمهوریتی‌نین تورکیه'دکی سفیرلیگی، یونسکو-نون تورکیه میللی کومیسیونو و اولوسلار آراسی تورک مدنیت تشکیلاتی اولان تورکسوی-ون بیرگه تشکیلاتچی‌لیغی ایله کئچیریلدی.

 آذربایجان جمهوریتی‌نین تورکیه'دکی سفیری خزر ایبراهیم، تورکسوی-ون باش کاتیبی دوسئن کاسینوو و یونسکو-نون تورکیه میللی کومیسونونون باشقان وکیلی دنیز چاکارین چیخیشلاریندان‌ سونرا کونسرتین بیرینجی بؤلومونده آذربایجان و تورکیه سئیرچی‌لری تورکیه'نین اولوسلار آراسی مو‌لانا جمعیتی (اولوس‌لار آراسی مو‌لانا واکفی) سماع قروپونون گؤستری-پروقرامینا تاماشا ائتدی.

تدبیرین تشکیلاتچی‌لاری طرفین‌دن مو‌لانا سماع قروپونا موکافات تقدیم ائدیلدیک‌دن سونرا آذربایجان جمهوریتین‌دن گلن قاراباغ موغام قروپو کونسرت وئردی.

آذربایجان جمهوریتی‌نین خالق آرتیستی، منصوم ایبراهیمووون تاردا ائلچین هاشیموو، کامانچادا ائلنور احمدوو و ناغارادا کامران کریمووون ایفاسی ایله اوخودوغو آذربایجان خالق و بسته'کار ماهنی‌لاری، سوندا ایسه "قاراباغ شیکسته‌سی" ایله بوتون قوناق‌لارین حرارت‌لی آلقیش‌لارینا سبب اولدو.

کونسرت قاراباغ موغام قروپونون هر بیر عضوونه آیری-آیری‌ آذربایجانین تورکیه'دکی سفیری خزر ایبراهیم، تورکسوی-ون باش کاتیبی دوسئن کاسینوو و یونسکو-نون تورکیه میللی کومیسیونونون باشقانی وکیلی دنیز چاکار طرفین‌دن موکافات‌لارین تقدیم ائدیلمه‌سیله باشا چاتدی.



ایلگیلی‌لی خبرلر