تورکیه، دونیادا بیرینجی سیرادا

"بوتون دونیادا تلویزیون ایچریک وارداتینین یوزده ۲۵ینی تورک اثرلر تشکیل ائدیر"

تورکیه، دونیادا بیرینجی سیرادا

دونیاداکی سریال وارداتینین یوزده ۲۵ینی اولوشدوران تورک دیزلری، آوروپادا بو ساحه‌ده بیرینجی دورومدا.

آچیقلاما، مدنیت و توریزم باخانی نوری ارسوی‌دان گلدی.

نوری ارسوی، باخانلیغین ۲۰۱۹.جو ایل اوچون بودجه‌سینین موذاکیره ائدیلدیگی تورکیه بؤیوک میلت مجلسینین پلان و بودجه کمیسیونون‌دا ملت وکیللرینین سواللارینی یانیتلادی.

سینما سئکتورونا دایر سواللاری جاوابلاندیران ارسوی، باخانلیقجا سئکتورا وئریله‌ن دستک ۲۰۰۲ده ۹ اولان یئرلی فیلم ساییسینین ۲۰۱۷.جی ایلده ۱۴۸ه چیخدیغینی، ۲ میلیون اولان یئرلی فیلم ایزله‌ییجی ساییسینین ایسه ۴۰ میلیونو آشدیغینی دئدی.

تورکیه‌نین، یوزده ۵۶لیک یئرلی فیلم ایزله‌مه نیسبتی ایله آوروپادا بیرینجی یئرده اولدوغونو وورغولایان ارسوی،

"دیزی فیلملریمیز ۱۵۶ اؤلکه‌یه صادر ائدیلیر. بوتون دونیادا تلویزیون ایچریک وارداتینین یوزده ۲۵ینی تورک اثرلر تشکیل ائدیر. بو نسبت ایله اؤلکه‌میز دونیادا بیرینجی سیرادا یئر آلیر" دئدی.



ایلگیلی‌لی خبرلر