تورکیه‌-یه سفر ائدن ژاپن توریست‌لرین سایی آرتیب

مدنیت و توریزم ناظیری مهمت نوری ارسوی تورکیه‌یه گزمه‌یه گلن ژاپن توریست ساییندا بو ایل 90 فایز آرتیم اولدوغونو سؤیله‌دی.

پایتاخت آنکارادا هتل لردن بیرینده اکتبرین 7-دن بری‌دیر داوام ائدن "ژاپن فستیوا‌لی سون باهار پاییز 2018"ین باغلانیش ضیافتینده "ژاپن مطبخی گون‌لری"نین تبلیغاتی اولدو.

ژاپن-یانین آنکارا سفیری‌نین ائو صاحب‌لیگی ائتدیگی قبولدا مدنیت و توریزم ناظیریله بیر چوخ دیپلومات، خاریجی میسیون شئفی و خیلی سایدا دعوت‌لی قاتیلدی.

ناظیر ارسوی قبولدا ائتدیگی چیخیشدا ژاپن-یا و تورکیه-‌نین تاریخه اساس‌لانان هم مدنیت هم یاخین دوستلوغا صاحب اولدوغونو قئید ائده‌رک، ژاپن-یادا مدنیت و سوسیال ساحه‌ده تدبیرلر کئچیره‌جک‌لرینی سؤیله‌دی.

ارسوی 2019-جو ایلین ژاپن-یادا "تورکیه ایلی" اولا‌راق قئید ائدیله جگینی بیلدیره‌رک، بو مدنیت ایلینی ده فورصت کیمی قیمتلندیرمگی دوشوندوک‌لرینی وورغولادی.

"همین تدبیرلر چرچیوه‌سینده توپ قاپی اثرلرین‌دن عبارت بیر سرگی 2019-جو ایلده هم توکیو هم کیوتودا نوماییش ائتدیریله‌جک" دئیه ناظیر ارسوی دئدی.

ژاپن مدنیت تدبیرلری‌نین داوام ائدجگینی سؤیله‌ین سفیر میاژیما ایسه "مدنیت، کیفیت‌لی خؤرک و صنعتین اؤلکه سرحدلرین‌دن کناردا اینسان‌لاری بیرلشدیرن بؤیوک بیر گوج اولدوغونا اینانیرام" دئیه وورغولادی.

میاژیما گله‌جک ایلین اکتبر آییندا ژاپن-یادا یئنی ایمپراتورون تاختا اوتوراجاغینی، ژوئن ده ایسه اؤلکه‌سینده G20 اؤلکه‌لری‌نین لیدرلر ذیروه‌سی‌نین کئچیریله جگینی ایفاده ائدن سفیر همین سبب‌لردن پرزیدنت رجب طیب اردوغانین ایکی دفعه اؤلکه‌سینه سفر ائتمه‌سینی گؤزله‌دیک‌لرینی بیلدیردی.

تورکیه و ژاپن آراسیندا دوستلوغون ابدی اولدوغونو قئید ائدن میاژیما "ژاپن و تورکیه ایکی دؤولت، تک اورک‌دیر" ایفاده‌سینی دیله گتیردی.