میصردکی سیرلی لحد ین سیرری تاپیلیر

میصرده تیکینتی ایشلمه‌سی زامانی تصادفن تاپیلان و ایچری‌سینده "حیات ایکسیری" اولدوغو ادعاسی ایله اولوسلار آراسی توپلومون دقتینی چکن لحد دکی مومیا‌لارا ایلیشکین ایلک آراشدیرما تاماملاندی

میصردکی سیرلی لحد ین سیرری تاپیلیر

میصرده تیکینتی ایشلمه‌سی زامانی تصادفن تاپیلان و ایچری‌سینده "حیات ایکسیری" اولدوغو ادعاسی ایله اولوسلار آراسی توپلومون دقتینی چکن لحد دکی مومیا‌لارا ایلیشکین ایلک آراشدیرما تاماملاندی.

میصر تاریخی اثرلر یوکسک شوراسی‌نین باش کاتیبی مصطفی وزیری، ائتدیگی یازیلی آچیقلامادا، ایسکندریه شهرینده ایچینده 3 مومیا ایله قیرمیزیا بنزر مایعسی اولان لحده باغلی ایلک آراشدیرمانین میصرلی آراشدیرما اکیپینجه تاماملاندیغینی بیلدیریب.

آراشدیرمانین اولوسلار آراسی ایستاندارد‌لاردا کئچیریلدیگی بیل‌دیریلن آچیقلامادا، لحدده قیزیل یارپاق‌لاری ایستیفاده ائدیلدیگی‌نین آشکار ائدیلدیگی معلوماتینا یئر وئریلیب.

آراشدیرما نتیجه‌سینده، ایلک ایسکلتین 20-25 یاش‌لاریندا و 160-164 سانتیمتر بوی‌لاریندا بیر قادینا، ایکینجی ایسکلتین 30-35 یاش‌لاریندا و 160-165.5 سانتیمتر بوی‌لاریندا بیر کیشییه، اوچونجو ایسکلتین ده 40-44 یاش‌لاریندا و 179-185.5 سانتیمتر بوی‌لاریندا بیر کیشییه عایید اولدوغونون معین ائدیلدیگی قئید ائدیلیب.

سون مومیانین باشیندا 1.7 سانتیمتر بؤیوکلوغونده گیرده دلیق اولدوغونون معین ائدیلدیگی، اؤلمه‌دن اوّل اوزون مدت یاشادیغی‌نین گؤرونور، ایسکلتین صاحبی‌نین بئیین عملیاتی کئچیردیگینی تخمین ائدیلدیگی قئید اولونوب.

لحدی ایکی فرق‌لی زاماندا دفن پروسه سی کئچیریلدیگی‌نین دوشونولدوگو ایفاده ائدیلیب.

اولوسلار آراسی مئدیانین دقتینی چکن لحد دکی سویون رنگی‌نین ایسه ساریلی اولان مومیا‌لارین توخو یئر آلتی سولاری‌نین قاریشماسی نتیجه‌سینده یاراندیغی‌نین دوشونولدوگو بیلدیریلیب.



ایلگیلی‌لی خبرلر