شانلیورفا گؤبکلی تپه آرکولوژی ساحه سی، یونسکو دونیا میراث لیسته ‌سینه گیردی

تورکیه‌نین سؤزقونوسو لیسته یه قئید اولان ساحه‌لری‌نین ساییسی18ه یوکسلیب

gobeklitepe1.jpg

شانلیورفا گؤبکلی تپه آرکولوژی ساحه سی، بیرلشمیش میللت‌لر تحصیل، علم و کولتور تشکیلاتی (یونسکو) دونیا میراث لیسته ‌سینه گیردی.

بئله‌لیکله، تورکیه‌نین سؤزقونوسو لیسته یه قئید اولان ساحه‌لری‌نین ساییسی18ه یوکسلیب.

تورکیه خاریجی ایشلر ناظیرلیگین‌دن ائدیلن یازی‌لی آچیقلامادا، تورکیه‌نین "گؤبکلی تپه آرکولوژی آلانینین" یونسکونون دونیا میراث لیسته‌سینه نامیزدلیک مراجعتی‌نین، بحرین ین پایتختی ماناما-داکی دونیا میراث کومیته‌سی‌نین 42-جی توپلانتیندا قبول ائدیلدیگی و یونسکونون دونیا میراث لیسته‌سینه داخیل ائدیلدیگی قئید اولونوب.

آچیقلامادا، شانلیورفادا یئرلشن و 2011دن بو یانا تورکیه‌نین یونسکوداکی موقتی میراث لیسته‌سینده یئر آلان گؤبکلی تپه آرکولوژی ساحه‌نین، یوخاری مزوپوتامیا بؤلگه‌سین‌دکی دونیانین معلوم اولان ان قدیم، مقالیتیک قورولوش قروپو اولدوغو و تاریخی‌نین گونوموزدن 11 مین ایل اوله قدر اوزاندیغی وورغولانیب.

بیر چوخ اولوسلار آراسی قوروم و تشکیلات طرفین‌دن "دونیانین ان قدیم معبد مرکزی" کیمی قبول ائدیلن گؤبکلی تپه نین یونسکو-نون دونیا میراث لیسته‌سینه سالینماسی شانلیورفادا سیویل تشکیلات‌لاری، یئرلی و خاریجی توریست‌لر طرفین‌دن سئوینجله قارشیلاندی.

شانلیورفا مرکز خلیلی یه شهرستانین، شهر مرکزینه 18 کیلومتر مسافه‌دکی اؤرنجیک محله‌سی یاخینلیغیندا یئرلشن و ایلک دفعه 1963ده ایستانبول و شیکاگو یونیورسیته‌لرین‌دن تدقیقاتچی‌لارین سته ایشلری زامانی فرق ائدیلن عابده‌سی ایله یئرین‌دکی قازینتی‌لار 50 ایلدن چوخ مدت‌دیر داوام ائدیر.

بئرلین آلمانیا آرکولوژی اینستیتوسو و شانلیورفا موزه 1995دن بو یانا اورتاق‌لاشا آپاریلان ایشلرده، نئولیت دؤوره عایید بوی‌لاری 3-6 متر، آغیر‌لاری دا 40-60 تون اولان، وحشی حیوان فیگورلو "ت" بیچیم‌لی تیکی‌لی داش‌لار اولوب.

قازینتی‌لاردا عینی زاماندا، 8-30 متر قوطروندا دایروی و دیک دؤردگن شکیل‌لی دونیانین ان قدیم معبد قالیق‌لاری و تخمینن 12 مین ایل اوله عایید اولدوغو بیل‌دیریلن 65 سانتیمئتر اوزونلوغوندا اینسان هیکلی کیمی موختلیف تاریخی اثرلر ده گون اوزونه چیخاردی.



ایلگیلی‌لی خبرلر