تورکجه یئترلیک سیناوی

سؤزوگئدن سیناولا، تورکجه‌نین اولوسلارآراسی میقیاس‌دا ایستاندارد سیناوا قاووشماسی و خاریج‌دن اؤیرنجی قبولونو آسانلاشدیران سیاستلره دستک اولونماسی آماجلانیر

تورکجه یئترلیک سیناوی

یونوس امره انستیتوسونون بو ایل ۳.جو دفعه، ۲۸ جولای‌دا دوزنله‌یه‌جگی تورکجه یئترلیک سیناوی اوچون باش‌وورولاری ۱۸ ژوئن-۱۳ جولای تاریخلرین‌ده گئچیریله‌جک.

وئریلن یازی‌لی آچیقلامایا گؤره، تورکجه خاریجی، یا دا ایکینجی دیل اولاراق اؤیره‌نن اینسانلارین اوخوما، دینله‌مه، یازما و دانیشما باجاریقلارینی اؤلچمک اوزره، اینستیتونون "آوروپا دیللری اؤیرتیمی اورتاق چرچیوه متنینده" معینلشدیریلن یئترلیک تعریفلری ایستیقامتین‌ده گلیشدیردیگی تورکجه یئترلیک سیناوی، ۲۰۱۳دن بو یانا، ایلده اوچ دفعه اویقولانیر.

تورکیه‌ده و یونوس امره انستیتولارینین اولدوغو بوتون اؤلکه‌لرده عینی واختدا حیاتا گئچیریلن تورکجه یئترلیک سیناوی، خاریجی اؤیرنجی‌لرین، هم تورکیه‌یه ماراغینی آرتیریر، هم ده ایش و ائگیتیم باش‌وورو‌لارینین قبولونو آسانلاشدیرماسی و داها ساغلیقلی بیر دوزئی‌ده دگرلندیریلمه‌لری باخیمین‌دان بؤیوک اؤنم کسب ائدیر.

بو ایلکی اوچونجوسو ۲۸ جولای‌دا گئچیریله‌جک سیناو اوچون مراجعتلر ۱۸ ژوئن-۱۳ جولای تاریخلرین‌ده گئچیریله‌جک.

سیناودا اوغور قازانان نامیزدلره ب۲، ج۱، ج۲ سویه‌لرین‌ده تورکجه یئترلیک سندی وئریله‌جک. سؤزوگئدن سنده صاحب اولانلار، تورکیه‌ده هر هانسی بیر قوروم‌دا تحصیل آلماق حاقی قازانان‌دا تورکجه حاضرلیق صینفی اوخوماق‌دان معاف توتولور.

بوندان باشقا تورکجه رهبرلیک و یا ترجومه‌چی‌لیک ائتمک ایسته‌یه‌ن خارجیلردن ده تورکجه یئترلیک سندی طلب اولونور.

سؤزوگئدن سیناولا، تورکجه‌نین اولوسلارآراسی میقیاس‌دا ایستاندارد سیناوا قاووشماسی و خاریج‌دن اؤیرنجی قبولونو آسانلاشدیران سیاستلره دستک اولونماسی آماجلانیر.

مراجعتلر اوچون http://sinav.yee.org.tr آدرسی ایستیفاده ائدیله‌جک.



ایلگیلی‌لی خبرلر