گوگل‌دان تورک قادینینا اؤزل لوگو

یورد ایچی و خاریج‌ده سرگیلرده ایشتیراک ائد‌ن کورال، موختلیف اؤدوللرین صاحبی اولدو

گوگل‌دان تورک قادینینا اؤزل لوگو

گوگل، تورکیه‌نین ایلک قادین سرامیکچی‌سی فورئیا کورال‌ین ۱۰۸.جی دوغوم گونونه اؤزل لوگو حاضرلادی.

گوگل آنا صحیفه‌سین‌ده دوودل اولاراق آدلان‌دیریلان لوگودا، فورئیا کورالین سرامیکه شکیل وئرمه‌سی وار.

لوگویا تیخلایاندا کورال حاقین‌دا ماراق‌لی معلوماتلار ایله صنعتکارین اثرلرینین یئر آلدیغی سرگیلره عاید سایتلارین لینکلری گؤرولور.

فورئیا کورال، ۱۲ ژوئن ۱۹۱۰دا ایستانبول‌دا دونیایا گلدی.

نوتردام دو سیون قیز اوخولوندان ماذون اولان کورال، ایستانبول اونیورسیته‌سی ادبیات فاکولته‌سی فلسفه بؤلومونه داوام ائتدی.

دؤنمین مشهور ماجار ویولن اوستاسی چارلز برگردن اؤزل ویولن درسلری آلدی.

۱۹۴۰-۱۹۴۴.جی ایللرده موسیقی ائلشدیریلری یازدی، ترجومه‌لر ائتدی.

فورئیا کورال، ۱۹۴۷ده سوئیسین لوزان شهرینده سرامیک ایشینه باشلادی.

فرانسالی سرامیکچی سرن‌ین دستگی ایله پاریس‌ده اؤزل سرامیک آتلیه‌سینده ایشلرینی داوام ائتدیره‌ن صنعت‌چی، ایلک سرامیک و داش باسقی سرگی‌سینی ده ۱۹۵۱ده بورادا آچدی.

عینی ایل وطنه قاییداراق مایا گالریسین‌ده اثرلرینی سرگیله‌دی.

یورد ایچی و خاریج‌ده سرگیلرده ایشتیراک ائد‌ن کورال، موختلیف اؤدوللرین صاحبی اولدو.

کورال، ۲۶ آگوست ۱۹۹۷ده ۸۷ یاشین‌دا ایستانبول‌دا حیاتینی ایتیردی.



ایلگیلی‌لی خبرلر