عربیستاندا ایلک سینما سالونو آچیلیر

عربیستان مدنیت باخانلیغیندان سینما ایشلتمه مجوزینی آلان آمریکان مولتی-سینما، ۱۸ آوریل‌ده ریاضدا ایلک سالونونو آچاجاق.

مدنیت باخانی عواد بن صالح العواد، سینما سالونلارینی ایشلتمه مجوزی وئرمه‌لرینین بو ساحه‌ده چالیشان یاتیریمچیلار اوچون اؤنم‌لی اولدوغونا ایشاره ائد‌رک،

"عربیستان بؤیوک بیر بازار. اهالینین چوخو ۳۰ یاش آلتی و سئودیکلری فیلملری اؤلکه‌لرین‌ده ایزله‌مک ایسته‌ییرلر" دئدی.

عربیستان ۲۰۳۰ هدفلرین‌دن بیرینین ده ایله‌نجه ایمکانلاری یاراداراق حیات کیفیتینی یوکسلتمک اولدوغونا وورغو ائد‌ن عواد، سینما سئکتورونون آچیلماسی، یئنی ایش ایمکانلارینین یاراناجاغی و اؤلکه اقتصادینا قاتقی وئرجگینی قید ائتدی.

عربیستانی دؤولت یاتیریم فوندونا باغلی ایله‌نجه شیرکتی ده اؤلکه‌ده آچاجاغی سینما سالونلارینی ایشلتمک اوچون آمریکان مولتی-سینما ایله آنلاشما باغلادیغینی بیلدیر‌رک، ۵ ایل عرضین‌ده عربیستانین ۱۵ شهرین‌ده ۳۰ دولاییندا سینما سالونونو آچماغی و ۲۰۳۰ ایلینه قدر ایسه بو ایشی اؤلکه‌ده‌کی ۲۵ شهره یایماغی پلانلاشدیردیقلارینی بیلدیردی.