جانی آلیده حیاتینی ایتیردی
"جانی آلیده آرامیزدان آیریلدی. بو سؤزلری اولانلارا اینانمادان یازیرام. اما بو دوغرو"
مشهور فرانسالی راک اولدوزو جانی آلیده، ۷۴ یاشین‌دا حیاتینی ایتیردی.
گئرچک آدی جان فیلیپ سمیت اولان آنجاق ۱۹۵۷ده ائکران‌دا آمریکالی صنعت‌چی الویس پرسلی‌نی گؤردوک‌دن سونرا موسیقی حیاتینا باشلادیغی اوچون فرانسانین الویسی اولاراق تانینان جانی آلیده، آغ‌جییر سرطانی ایله مباریزه ائدیردی.
بیر نئچه فیلم‌ده ده رول آلان آلیده،۱۰۰ میلیون‌دان چوخ آلبوم ساتیشی ایله دونیادا ان چوخ آلبومو ساتیلان موسیقی‌چیلردن بیری اولموشدو.
اؤلکه‌سین‌ده و فرانسیزجا دانیشیلان اولکه‌لرده اولدوقجا تانینان آلیده‌نین آیریجا ۱۸ پلاتین آلبومو وار.
مغنی‌نین اؤلومو خانیمی لاتیسیا بوودو و فرانسا پرزیدنتی امانوئل مکرون طرفین‌دن بیلدیریلدی.
مکرون نویترده،
"هامیمیزدا جانی آلیده‌دن بیر شئیلر وار. اونون آدینی، اوزونو و یا سسینی خاطیرلایاجاییق. او چوخ سئودیگی راک و بلوز افسانه‌لرینین آراسینا قاتیلدی" دئیه یازدی.
حیات یولداشی لاتیسیا بوودو ایسه، آ.ف.پ‌یه وئردیگی آچیقلامادا،
"جانی آلیده آرامیزدان آیریلدی. بو سؤزلری اولانلارا اینانمادان یازیرام. اما بو دوغرو" دئدی.
ایلگیلی‌لی خبرلر
تورکیه‌یه ان چوخ قوناق قونشولاریندان گلدی
تورکیه‌یه ژانویه و فوریه آییندا ان چوخ توریست گؤندره‌ن اؤلکه، ۴۳۷ مین ۹۰۵ نفر ایله ایران اولدو
