دونیادا هر 9 قیز اوشاغین‌دان بیری 15 یاشین‌دان اوّل ائولنیر

بیرلشمیش میللت‌لر تشکیلاتی‌نین (بمت) اها‌لی فوندو و قاچقین‌لار و کؤچکون‌لرله همرای‌لیک درنکی‌نین آوروپا بیرلیگی دستک‌لری کئچیردیگی، "اوشاق یاشدا عائله‌لره قارشی بیلگیلندیرمه پانلی"، ایستانبولدا کئچیریلیب

دونیادا هر 9 قیز اوشاغین‌دان بیری 15 یاشین‌دان اوّل ائولنیر

دونیادا هر 9 قیز اوشاغین‌دان بیری 15 یاشین‌دان اوّل ائولنیر.

بیرلشمیش میللت‌لر تشکیلاتی‌نین (بمت) اها‌لی فوندو و قاچقین‌لار و کؤچکون‌لرله همرای‌لیک درنکی‌نین آوروپا بیرلیگی دستک‌لری کئچیردیگی، "اوشاق یاشدا عائله‌لره قارشی بیلگیلندیرمه پانلی"، ایستانبولدا کئچیریلیب.

پانله ایستانبولدا موقتی قوروما آلتیندا اولان سوریه‌لی تخمینن 250 قاچقین قادین قاتیلیب.

پانلین آچیلیشیندا دانیشان بیرلشمیش میللت‌لر تشکیلاتی‌نین اها‌لی فوندو اینسانی  یاردیم پروقرامی بؤلگه مسئولو دویغو آریغ، اوشاق یاشدا ائولیلیگین بیر اینسان حاق‌لاری پوزونتوسو اولدوغونو ایفاده ائتدی.

کیمینله و نه زامان ائولنجگینی سئچیجی‌نین، قورخو، تأثیر و یا تضییق اولما‌دان اولونا‌جاق آزاد بیر قرار اولماسی لازیم اولدوغونون وورغولایان آریغ،

ائولنمه" قراری یالنیز اؤزونوزو حاضیر حیس ائتدیگینیز دئییل، عینی زاماندا یئتکین اولدوقدا وئرجگینیز بیر قراردیر". دئیه دانیشدی.

اوشاق یاشدا ائولی‌لیک‌لرین هم قیز، هم ده اوغلان اوشاق‌لاری تأثیر ائتدیگینه توخونان آریغ، اوشاق یاشدا ائولیلیگین قلوبال بیر پروبلم اولدوغونو وورغولاییب.

دویغو آریغ،شؤیله داوام ائتدی:

دونیادا" هر 9 قیز اوشاغین‌دان بیری، 15 یاشین‌دان اوّل ائولنیر. تخمین‌لره گؤره ده قارشی‌داکی 5 ایلده 70 میلیون قیز اوشاغی، اوشاق یاشدا اره گئده‌جک‌دیر. بو تشخیص‌لرین قارشی‌سینی آلماق هله ده مومکون. اوشاق یاشدا ائولی‌لیک، بیر عنعنه‌نین پارچاسی اولابیلیر، یا دا عائله‌لر قیز اوشاق‌لاری‌نین گلجگینی تأمینات آلتینا آلماق اوچون اونلاری ائولندیرر اولابیلیرلر. خصوصیله یوخسوللوق و اینسانی بحران وضعیت‌لری، عائله‌لری اوشاق‌لارین خیرینه ائتدیک‌لری یانیلساماسینا ایته‌بیلیر آنجاق اوشاق یاشدا ائولی‌لیک، بونون تام دا عکسینه سبب اولور، ساغلام و وئریملی حیات قارشی‌سیندا بؤیوک مانع یارا‌دیر".

آریغ، قانون‌لارین بو باره‌ده معین بیر یئره قدر تأثیرلی اولدوغونو، اوشاق یاشدا عائله‌لره قارشی اینسان‌لارین موضع‌لری‌نین دییشدیریلمه‌سی لازیم اولدوغونو بیلدیردی.



ایلگیلی‌لی خبرلر