بوغا‌لارلا قاچیش

قیزیل خاچ چالیشان‌لاری‌نین وئردیگی بیلگییه گؤره، بوینوز ضربه‌سی آلان 2 نفر یارالاندی

بوغا‌لارلا قاچیش

ایسپانیانین قوزئیین‌ده‌کی پامپلونا شهرینده تشکیل ائدیلن مشهور سن فرمین فستیوا‌لی‌نین ان بؤیوک ائتکینلیگی اولان بوغا‌لارلا قاچیشین ایلکی ائدیلدی.

"انسیررو" اولا‌راق آدلان‌دیریلان و شهر مرکزین‌دکی 875 مترلیک یولدا ائدیلن قاچیش، یئرلی ساعاتلا 08.00ده باشلادی و 2 دقیقه 58 ثانیه سوردو.

قیزیل خاچ چالیشان‌لاری‌نین وئردیگی بیلگییه گؤره، بوینوز ضربه‌سی آلان 2 نفر یارالاندی. دوشوب یونگول یارا‌لانان چوخ ساییدا انسان دا آیاقدا معا‌لیجه ائدیلدی.

500  ایله 600 کیلوگرام آغیرلیغین‌داکی 6 بوغانین 6 اؤکوز ایله آخیردان چیخاریلیب آرئنایا قدر ائتدیگی قاچیشا فرق‌لی میلت‌لردن یوزلرجه انسان قاتیلدی. بوغا‌لار، گون اورتا‌دان سونرا ماتادورلارین قارشی‌سینا چیخا‌جاق.

انسیررو فعالیتینه قاتیلماق اوچون 18 یاشین‌دان بؤیوک و ساغلیقلی اولماق گرکلی. آغ شالوار، کؤینک و ایدمان آیاق‌قابیسی گئین قاتیلیمچی‌لار، بویون‌لارینا دا سن فرمینین سمبولو قیرمیزی شال باغلاییر.

سون ایللرده آرتیریلمیش گوونلیک تدبیرلری آلتیندا ائدیلن فعالیتده قورال دیشی قاچان‌لارا 750دن 3 مین یورویا پول جزاسی کسیلیر.



ایلگیلی‌لی خبرلر