تورکیه فستیوالی باشلادی

فستیوال ساحه‌سینده توپقاپی سارایی، قاپا‌لی چارشی و 15 جولای شهیدلر کؤرپوسونون ماکت‌لری قورولدو

تورکیه فستیوالی باشلادی

روسیانین یاشکندی موسکوا‌داکی کراسنایا پرسنیا پارکیندا اوچ گون سوره‌جک تورکیه فستیوالی باشلادی.

مدنیت و توریزم باخانلیغی‌نین گیریشیمی، تورکیه‌نین روسیا ائلچیلیگی و موسکوا شهر یؤنه‌تیمی امکداش‌لیغیلا تشکیل ائدیلن فستیوالدا قاتیلیمچی‌لار تورک مدنیتی، تاریخی، دیلی و گله‌نک‌لریله تانیش اولا‌جاق.

فستیوال ساحه‌سینده توپقاپی سارایی، قاپا‌لی چارشی و 15 جولای شهیدلر کؤرپوسونون ماکت‌لری قورولدو.

پارکین قاپی‌سین‌دان گیرن قوناق‌لار، توپقاپی ساراییندا دؤورون پالتارلارینه باخیب قاپالی چارشیدا آلیش وئریش ائده‌بیله‌جک.

موسکووا‌لی‌لار، 15 جولای شهیدلر کؤرپوسون‌دن گئچه‌رک آنا صحنه‌ده کونسرت‌لری دینله‌ییب توریستیک یئر‌لرین تانیتیم غرفه‌لرینی گزه‌بیله‌جک.

تورک و روس صنعتچی‌لرین عینی صحنه‌نی پایلاشاجاغی فستیوالدا، ادبیات سؤیله‌شی‌لری، دفیله، گاسترونومی سونوم‌لاری، تورک ال صنعت‌لری سرگی‌لری ده یئر آلاجاق.

فستیوالدا ایستانبول، آنتالیا، موغلا، ایزمیر، آیدین، نئوشهیر، غازی آنتپ، آدانا و مرسین کیمی شهرلر و بیر چوخ توریزم بؤلگه‌سی یئرلی دگرلرینی و توریزم زنگین‌لیک‌لرینی تانیدا‌جاق.

نصرالدین خوجا کاراکتری‌نین ده یئر آلدیغی فستیوالدا، قاراگؤز و جاجی‌وات کؤلگه اویون‌لاری صحنه‌له‌نه‌جک.

قونق‌لارین صنعتکارلیق شهرجیگینی گزه‌بیله‌جگی و مختلیف آتلیه چالیشمالارینا قاتیلابیله‌جگی فعالیتده آیریجا کاپادوکیانین بالونلارییلا اوچما، هدیه‌لیک اشیا‌لار ساتین آلما، قهوه فالی باخدیرماق کیمی بیر چوخ فورصت یاخالانابیله‌جک.

تورکیه و روسیا ایلیشکی‌لری‌نین گلیشمه‌سینه قاتقی وئرمک و تورک مدنیتی‌نین تانیتیمینا دستک اولماق مقصدیله تشکیل ائدیلن فستیوال 18 ژوئن بازار گونو سونا چاتا‌جاق.



ایلگیلی‌لی خبرلر