اوجوز آلیش وئریش اوچون آنکارایا گلین!
آنکارا آلیش وئریش فستیوالی، ۲۹ آگوستدا باشلایاجاق، فستیوال ۱٤ سپتامبر بازار گونو آخشامینا قدر داوام ائدهجک
سوما معدن فاجعهسی سببیله ارتهلنن آنکارا آلیش وئریش فستیوالی، ۲۹ آگوستدا باشلایاجاق، فستیوال ۱٤ سپتامبر بازار گونو آخشامینا قدر داوام ائدهجک.
آنکارا تیجارت اوتاغیندان وئریلن یازیلی آچیقلامادا، "ایندی آنکارادا اولمانین تام زامانی" شعارییلا ۲۹ آگوستدا باشلایاجاق فستیوالدا، دفیله، گؤستریلر و کونسرتلرله آنکارانین مدنیت، صنعت و آلیش وئریشین ده باشکندی حالینا گتیریلهجیی ایفاده ائدیلدی. فستیوال بویونجا، آنکاراداکی بوتون آلیش وئریش مرکزلری ایله جاده و کوچهلرده چوخ ساییدا فعالیت اولاجاغی بیلدیریلدی.
فستیوال مدتینده آلیش وئریش مرکزلری، جاده اوستو و کوچهلرده اولان ماغازالارین، محصوللارینی ائندیریملی اولاراق ساتیشا سوناجاغی قید ائدیلن آچیقلامادا، فستیوال بویونجا ساتیش گلیرلرینده یوزده ۲۰ ائله ۳٥ آراسیندا آرتیش گؤزلهنیلدیگی ایفاده ائدیلدی.