تورک قیزی دونیانین ان اوزون بویلو گنج قیزی
۲،۱۳ متر بویونداکی دونیانین ان اوزون قیزی رومیصا گینسه گیردی
۲،۱۳ متر بویونداکی دونیانین ان اوزون قیزی رومیصا گینسه گیردی. گینس رکوردلار کیتابینا "دونیانین ۱۸ یاش آلتی ان اوزون بویلو گنج قیزی" اولاراق گیرن ۲،۱۳ متر بویونداکی ویویر سندرومو خستهسی رومیصا گلگییه سرتیفیکاسی تشکیل ائدیلن تؤرهنله وئریلدی.
سافرانبولو میثاق میلی میدانیندا تشکیل ائدیلن مراسیمده دانیشان گلگی، خیاللارینی گرچکلشدیرمک آدینا سرتیفیکانین بؤیوک بیر گوج آراجی اولاجاغینی ایفاده ائتدی. گلگی، بئله دانیشدی:
"دونیانین ان اوزون بویلو گنج قیزی عنوانینی آلدیغیم اوچون چوخ موتلویام. اؤزللیکله عائلهمه تشکر ائدیرم، اونلارین دستگی اولماسایدی بئله بیر گیریشیمیم اولمازدیم و بو رکوردو الده ائدهبیلمزدیم. منی سئون، دستکلهین و تانییان اینسانلارین بورادا اولماسیندان چوخ موتلویام."
گینس رکوردلار کیتابی تورکیه نمایندهسی و حکمی شیدا سوباشی گمیچی ایسه "اونو بو جسارتیندن اؤترو تبریک ائدیرم. بوتون باشوورولارینی اینگیلیزجه اولاراق وب سیتهمیزدن ائتدی. بو اولایی باشیندان سونونا قدر اؤزو گتیردی. سرتیفیکاسینی تقدیم ائدجییک. بو، سافرانبولو اوچون چوخ گؤزل و آنی دولو بیر رکورد اولاجاق"دئدی. چیخیشلاردان سونرا گمیچی، رومیصا گلگییه سرتیفیکاسینی تقدیم ائتدی.