گوندم آنالیز: 41

پارلامئنت سئچکی‌لرین‌دن سونرا عراق کورد بولگه سل رهبرلیگی

گوندم آنالیز: 41

6 میلیونا یاخین اها‌لی‌سی اولان عراق کورد بولگه سل رهبرلیگینده قئیدیاتدا اولان 3 میلیون‌دان آرتیق سئچیجی 30 سپتامبر بازار گونو پارلامئنت سئچکی‌لری اوچون سس وئردی. پارلامئنت سئچکی‌لرینده ایشتیراک ائدن‌لرین نیسبتی‌نین 57 فایزه یاخین اولدوغو بیلدیریلدی. سئچکی پروسئسی‌نین عمومی معنادا باریشچیل و دینج موحیطده کئچمه‌سینه باخمایا‌راق بعضی بؤلگه‌لرده سلاح‌لی شخص‌لرین و پئشمرگه قوه‌لری‌نین اولماسی اهمیت‌لی موباحیثه لره سبب اولدو.

کوردوستان یوردسئورلر بیرلیگی (KYB) و کوردوستان دموکرات پارتیسی (KDP) بیر-بیرلرینی سئچکیده ساختاکارلیق ائتدیک‌لرینه گؤره گوناهلاردیقدا، گوران و یاشیل نسیل حرکاتی ایسه خصوصیله KYB-نی سئچکی‌لرده ساختاکارلیق ائتمکده اتهام ائتدی. یاییلان بیانات‌لارا باخمایا‌راق عراق کورد بولگه سل رهبرلیگی سئچکی‌لری عمومی معنادا اوغورلو شکیلده نتیجه‌لندی. تورکیه-‌نین خاریجی ایشلر ناظرلیگی سؤزچوسو بونونلا باغلی اولا‌راق: "عراق  کورد بولگه سل رهبرلیگی‌نین پارلامئنت سئچکی‌لری‌نین باریشچیل شکیلده کئچیریلمه‌سیندن ممنونلوق دویدوق. سئچکی نتیجه‌لری‌نین عراق-ین بیرلیک و بوتؤو‌لوگونون قورونماسی و اؤلکه‌ده ثابیتلیگین تامینی باخیمین‌دان خیرلی اولماسینی دیلییریک" دئدی.

رسمی اولمایان سئچکی نتیجه‌لرینه گؤره کوردوستان دموکرات پارتیسی بؤیوک نایلیت الده ائده‌رک سس‌لرین 45 فایزینی قازاندی. کوردوستان یوردسئورلر بیرلیگی ایسه سئچکی‌لرین ایتیرنی اولا‌راق 19 فایز سس توپلایا بیلدی. گوران حرکاتی 12، یئنی نسیل حرکاتی ایسه 8،3 فایز قازاندی. ایسلامی پارتیلر 7 و 5 فایزه یاخین سس آلدیقدا سردم اتفاقی ساده‌جه 1 فایز سس توپلادی.

رسمی اولمایان نتیجه‌لره گؤره بؤیوک اوغور قازانان کوردوستان دموکرات پارتیسی عینی زاماندا KYB-نی کناردا قویا‌راق، دیگر بیر کیچیک پارتی ایله حکومت قورما ایمکانی الده ائتدی. سس‌لرین حسابلانما پروسه‌سی داوام ائدرکن، عراق پارلامئنتینده ایسه پرزیدنت سئچکی‌سی داوام ائدیردی. عراق-ین آنایاساسینا گؤره کوردلردن سئچیلن پرزیدنت‌لیگه نامیزدلر KYB و KDP-نین اورتاق نامیزد تقدیم ائده بیلمه‌مه‌سی ایله ایکی پارتی آراسیندا رقابته و بحرانا سبب اولدو.

کوردوستان دموکرات پارتیسی‌ پرزیدنت‌لیگه فواد حسینی، کوردوستان یوردسئورلر بیرلیگی‌ ایسه برهم صالحین نامیزدلیگینی ایره‌لی سوردو. عراق مجلیسینده کی ایکینجی تور گیزلی سس وئرمه‌ده 329 میللت وکیلیندن 272-سی قاتیلدی. کوردوستان یوردسئورلر بیرلیگی‌نین نامیزدی برهم صالح 219 سس گؤتوره‌رک عراق-ین 4-جو پرزیدنتی سئچیلدی. گؤره کوردوستان دموکرات پارتیسی‌نین نامیزدی فواد حسینی ایسه 22 سس توپلایا بیلدی. پرزیدنت سئچکی‌لری‌نین بیرینجی توروندا 7 نامیزددن هئچ بری لازیم اولان 220 سسی قازانا بیلمه‌دیگی اوچون سئچکی ایکینجی تورا قالدی.

پرزیدنت سئچکی‌سینده کوردوستان یوردسئورلر بیرلیگی‌نین نامیزدی برهم صالحین قازانماسی‌نین همین زاماندا عراق کورد بولگه سل رهبرلیگین داخیلی سیاستینده ده تأثیری‌نین اولماسی احتیمالی وار. بئله‌لیکله همین گون رئال‌لاشان سئچکی‌لرده بؤیوک غلبه قازانان کوردوستان دموکرات پارتیسی‌ داخیلی سیاستده کوردوستان یوردسئورلر بیرلیگی-یه قارشی داها گوج‌لو و سرت سیاست ایزله‌یه بیلر.

عراق کورد بولگه سل رهبرلیگینده کئچیریلن سئچکی‌لرین نتیجه‌سی تورکیه ایله بولگه سل رهبرلیک آراسینداکی علاقه‌لری و تورکیه-‌نین ترورلا موباریزه‌سینه ده اؤز تأثیرینی گؤسترجک دیر. عراق کورد بولگه سل رهبرلیگی‌نین موستقیل رفرندومون‌دان سونرا عراق مرکزی حکومتی‌نین سرت جاوابی ایله کرکوک کیمی الده ائتدیگی قازانج‌لاری ایتیرن عراق کورد بولگه سل رهبرلیگی تورکیه ایله علاقه‌لری نورمال‌لاش‌دیرماق ایستییر. خصوصیله کوردوستان دموکرات پارتیسی‌ ایقتیصادیات ساحه‌سینده تورکیه ایله اولان تیجارته یئنی‌دن فعال‌لیق قازان‌دیرماق ایستییر. تورکیه-‌نین کوردوستان یوردسئورلر بیرلیگی‌-نین نظارتیندکی سلیمانیه هاوا لیمانینا یؤنلدیلمیش تحریم لری داوام ائتدیرمه‌سی تورکیه‌نین کوردوستان یوردسئورلر بیرلیگی‌-یه قارشی موضعینی گؤسترن اهمیت‌لی بیر فاکت‌دیر. کوردوستان دموکرات پارتیسی‌-نین سئچکی‌لرده غلبه قازانماسی‌نین تورکیه- عراق کورد بولگه سل رهبرلیگی آراسینداکی علاقه‌لره مثبت تأثیری‌نین اولاجاغی گؤزلنه بیلر.

تورکیه-‌نین ترورلا موباریزه چرچیوه‌سینده قوزیی عراق-دا حیاتا کئچیردیگی عملیات‌لارلا پ.کا.کا-نین قوزیی عراق اوزریندن تورکیه-‌یه سیزماسی‌نین قارشی‌سی‌نین آلینماسی اوچون جهد گؤستریلیر. تورکیه-‌نین قوزیی عراق-دا پ.کا.کا-یا قارشی آپاردیغی موباریزه کوردوستان دموکرات پارتیسی‌-نین سئچکی‌لرده غلبه قازانماسی ایله داها دا گوج‌لنه بیلر. بو چرچیوه‌ده کوردوستان یورد سئورلر بیرلیگی و پ.کا.کا آراسیندا علاقه نیسبی اولا‌راق داها یاخشی ایکن، پ.کا.کا و کوردوستان دموکرات پارتیسی‌ آراسینداکی علاقه نیسبی اولا‌راق داها پیس‌دیر. تورکیه عراق کورد بولگه سل رهبرلیکله علاقه‌لرینی اینکیشاف ائتدیررکن همین زاماندا کوردوستان دموکرات پارتیسی‌-دن پ.کا.کا-نین تورکیه اوچون یاراتدیغی تهدیده قارشی کونکرت آددیم‌لار آتماسینی طلب ائده بیلر.

عراق سئچکی‌لری‌نین کئچیریلدیگی آیلار اولماسینا باخمایا‌راق، عراق مرکزی حکومتی‌نین هله ده قورولماماسی هم عراق، هم ده تورکیه اوچون پروبلئم‌لره سبب اولور. بو آرادا عراق کورد بولگه سل رهبرلیگیندکی سئچکی نتیجه‌لری‌نین سرعت‌لی شکیلده حکومت قورولماسی ایله نتیجه‌لنمه‌سی حالیندا بونون عراق کورد بولگه سل رهبرلیگی عراق و تورکیه-‌نین تهلوکه‌سیزلیگی اوچون مثبت نتیجه‌لر دوغوراجاغی گؤزلنیلیر. اگر عراق مرکزی حکومتی ده قورولسا عراق-داکی موختلیف پروبلئم‌لرله موباریزه داها تأثیرلی شکیلده آپاریلا بیلر.

تورکیه‌نین گوندمینه دایر تحلیل پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون " پارلامئنت سئچکی‌لرین‌دن سونرا عراق کورد بولگه سل رهبرلیگی" باش‌لیق‌لی آنالیتیک یازی‌سینی تقدیم ائتدیک.



ایلگیلی‌لی خبرلر