گوندم آنالیز: 37

عراق-دا گوج موباریزه‌سی

گوندم آنالیز: 37

عراق-دا سئچکی‌لرین دؤرد آی اول کئچیریلمه‌سینه باخمایا‌راق حکومت هله ده قورولا بیلمه‌دی. بو اؤلکه‌دکی سیاسی پارتی‌لرین کوالیسیون و حکومت فورمالاشدیرما سعی‌لری داوام ائدیر. ان چوخ سس گؤتورن مقتی صدرین باشچی‌لیق ائتدیگی سائرون حرکاتی حکومتی قورماق اوچون اؤنملی آددیم‌لار آتدی. مقتی صدرین باشچی‌لیق ائتدیگی سائرون حرکاتی، عراق-ین باش ناظیری حیدر العبادی رهبرلیگینده کی النصر، عمار حکیم رهبرلیگیندکی  حکمت و ایاد علاوی باشچیلیغینداکی وطنیه کوالیسیونو دؤردلو اتفاق قوردوق‌لارینی اعلان ائتدی. همچنین بعضی سنی پارتی‌لر و کورد یئنی نسیل حرکاتی دا کوالیسیونا قوشولدو. لاکین عراق-دا یئنی حکومت کابینه‌سینین قورولماسی اوچون ایکینجی ایجلاسینی کئچیرن مجلیس کیفایت میللت وکیلی سایینا چاتا بیلمه‌دیگی اوچون ایجلاسی 15 سپتامبرا تاخیره سالدی. سابیق عراق باش ناظیری و قانون دؤولتی کوالیسیون لیدری نوری المالکی و فتح کوالیسیون لیدری هادی العامری ده کوالیسیون  قوردوق‌لارینی آچیقلادی‌لار. عراق-ین اساس-قانونونا گؤره ان بؤیوک کوالیسیون حکومتی قورماق وظیفه‌سی تاپشیریلیر و ان چوخ صدرین رهبرلیک ائتدیگی کوالیسیونون اوغورلو اولما احتیمالی یوکسکدیر.

عراق آنایاساسینا اساساً، یئنی حکومتین قورولماسی اوچون مجلیسده کئچیریله‌جک ایلک ایجلاسدا مجلیس صدری‌نین سنی لردن سئچیلمه‌سی لازیم ایدی. مجلیس صدرلیگی اوچون انبار والیسی محمد الحلبوسي ، پرزیدنت معاوینی اسامه نوجیفی، محمد تامیم ، رشید العزاوی، احمد جوبوری و طالال الزوبایی‌نین آدلاری اؤن پلاندا‌دیر. ان بؤیوک ایکی کورد پارتیسی کوردوستان دموکرات پارتیسی و کوردوستان یورت‌سئورلر بیرلیگی ایسه بوتون بو پروسئسده موستقیل موضعده اولماغا اوستونلوک وئردی و مجلیسین ایجلاسینی بویکوت ائده‌رک ترک ائتدی.  عراق-داکی حکومت قورما پروسئسینه اؤلکه داخیلینده و خاریجینده موختلیف موضوع لار اؤز تأثیرینی گؤستریر. عراق-داکی موختلیف قروپ‌لارین سیاسی، مذهب و ائتنیک فرقلنمه‌لر اورتایا قویدوغو معلوم‌دور. همچنین امریکا و ایران آراسینداکی رقابت عراق-داکی سیاسته خیلی تأثیر ائدیر. ایرانین دستکله‌دیگی سابیق عراق باش ناظیری نوری المالیکی و ایرانین دستکله‌دیگی حشد شعبی قروپلاشماسی‌نین قوردوغو فتح کوالیسیونو عراق سیاستینده اهمیت‌لی یئر توتور. همچنین حشدی شعبی‌نین حربی قورولوشو، ایرانین دستکله‌دیگی کوالیسیون سیاسی گوج‌دن علاوه حربی ساحه‌ده ده گوج ده وئریر. لبنان-داکی حزب الله-ا اوخشار بیر قورولوش ایله ایران عراق-داکی تأثیر دایره‌سینی ضمانت آلتینا آلماغا جهد گؤستریر.

دیگر طرف‌دن امریکادا ایرانین عراق-داکی گوجونو محدودلاشدیرماغا سعی گؤستریر. امریکانین داعش ایله موباریزه عذره خصوصی نماینده‌سی برت مایک گورکون کورد پارتیسی کوردوستان دموکرات پارتیسی و کوردوستان یورد سئورلر بیرلیگیله کئچیردیگی گؤروش‌لر چرچیوه‌سینده ایکی کورد پارتی‌نین ایرانین دستکله‌دیگی کوالیسیون  ایله بیرگه حرکت ائتمه‌سی‌نین قارشی‌سی‌نین آلیندیغی ادعا ائدیلیر. امریکا عراق-دا نه قدر ده صدر حرکاتینی‌نین لیدری مقتی صدر باشچیلیغینداکی سائرون، عراق باش ناظیری حیدر العبادی باشچیلیغینداکی النصر عمار حکیم باشچیلیغینداکی حکمت و ایاد علاوی باشچیلیغینداکی وطنیه کوالیسیونو، دؤردلو اتفاقی دستکله‌سه ده، خصوصیله مقتی صدرین امریکایا ایستیقامت‌لی منفی آچیقلاما‌لاری موناسیبت‌لرین پروبلئم‌سیز اولمادیغینی گؤستریر.

عراق-داکی حکومت قورما جهدلرینی اهمیت‌لی حالا گتیرن دیگر فاکت ایسه تورکیه‌نین ترورلا موباریزه‌سی‌دیر. عراق-داکی پ.کا.کا قروپلاشماسی قارشی‌سیندا شیما‌لی عراق-دا "قطعیتلی‌‌لیک حرکاتی"نی داوام ائتدیرن تورکیه سلاح‌لی قوه‌لری پ.کا.کا-نین دوشرگه‌لرینی و مسیرلرینی نظارت آلتینا آلیر. همچنین سینجار بؤلگه‌سینده کی پ.کا.کا قروپلاشماسی قارشی‌سیندا خصوصی عملیات‌لار ایله دقیق نتیجه‌لر الده ائدیر. ترور تشکیلاتی‌نین دیرناقاراسی بؤلگه قوتانی میللی کشفیات ایداره‌سی و تورکیه سلاح‌لی قوه‌لری‌نین بیرگه عملیاتی نتیجه‌سینده میللی سلاح‌سیز اوچوش آپاراتی ایله ضررسیزدیریلدی.

عراق-دا حکومت قورما جهدلری تورکیه‌نین ترورلا موباریزه‌سینه ده تأثیر ائتمه پتانسیلینه صاحب‌دیر. عراق حکومتی قورولاجاغی تقدیرده تورکیه‌نین عراق ایله دیپلوماتیک گؤروش‌لری چرچیوه‌سینده پ.کا.کا-یا قارشی عملیات‌لارین احاته دایره‌سی گئنیش‌لنه بیلر. خصوصیله عراق مرکزی حکومتین پ.کا.کا-نین مادی منبع‌لرینه و سینجارداکی تشکیلاتلانماسی قارشی‌سیندا آددیم آتماسی اوچون تورکیه‌نین تضییق ائدجگی نظرده توتولور.

تورکیه‌نین گوندمینه دایر تحلیل پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون " عراق-دا گوج موباریزه‌سی " باشلیق لی‌ آنالیتیک یازی‌سینی تقدیم ائتدیک.



ایلگیلی‌لی خبرلر