گوندم آنالیز: 22

تورکیه‌نین سوریه-ده کی سون حمله‌لری

گوندم آنالیز: 22

سوریه-ده کی گرگین‌لیگی آزالتماک و طرف‌لر آراسیندا باریشین تامین ائدیلمه‌سی مقصدیله قورولان آستانا مکانیزمی اؤز ایشینی داوام ائتدیریر. تورکیه، روسیا و ایرانین ضامینلیگینده اولان پروسئس چرچیوه‌سینده معین ائدیلن گرگین‌لیگی آزالتما بؤلگه‌لرینه ایستیقامت‌لی اولا‌راق سوریه رژیمی، روسیا و ایران هوجوم‌لارینی داوام ائتدیریب بؤلگه‌لری اله کئچیرمه‌سی‌نین نتیجه‌سینده خصوصیله ادلیب بؤلگه‌سی اهمیت قازانمیشدی.

ادلیب بؤلگه‌سی دیگر گرگین‌لیگی آزالتما بؤلگه‌لری‌نین عکسینه بیرباشا تورکیه ایله هم سرحددیر. بو دا تورکیه‌نین الینی گوچلن‌دیرن اؤنملی فاکتؤردور. همچنین رژیم قوه‌لری‌نین محاصره‌ده ساخلانیلان بؤلگه‌لردکی سوریه-لی موخالیف‌لری ادلیب و "فرات قالخانی" عملیاتی بؤلگه‌سینه تخلیه ائتمه‌سی ادلیبی حربی موخالیفتین قالاسینا چئویرن فاکت‌لاردان بیری‌دیر. آستانا پروسئسی چرچیوه‌سینده قبول ائدیلن گرگین‌لیگی آزالتما بؤلگه‌سی اولا‌راق ادلیب دیگر بؤلگه‌لرله موقاییسه‌ده فرق‌لنیر. تورکیه‌نین 12، روسیانین 10 و ایرانین 7 موشاهیده نقطه‌سی قوردوغو ادلیب بؤلگه‌سینده توققوشما‌لارین جدی معنادا قارشی‌سی آلینیب. خصوصیله تورکیه‌نین قوردوغو موشاهیده نقطه‌لری رژیم قوه‌لری‌نین سوریه-لی موخالیفته قارشی حربی اولا‌راق ایره‌لیلمه‌سینه مانع اولان دیوار وظیفه‌سینی ایفا ائدیر.

تورکیه‌نین بؤلگه‌ده قوردوغو موشاهیده نقطه‌لری اوپئراتیو معنادا موختلیف چتین‌لیک‌لر ده یارا‌دیر. تورکیه‌نین اؤز سرحدیندن بیرباشا بؤلگه‌یه داخیل اولماسی بؤیوک اوستونلوک اولسا دا ادلیب بؤلگه‌سیندکی رادیکال عنصورلارین و رژیم جاسوس‌لاری‌نین احتیمال اولونان هوجوم‌لاری تورکیه‌نین باریشین تامینی اوچون عهده سینه گؤتوردوگو وظیفه‌نی چتینلشدیریر. بو چرچیوه‌ده بیر نقلیات زامانی تورک کونوویونا دایاندیغی یئرده بومبا‌لی ماشین‌ین پارتلادیلماسی ایله ضرر یئتیریلدی. آرادابیر رژیم قوه‌لری و ایرانین ایستیقامتلندیردیگی خاریجی شیعه میلیس‌لر طرفین‌دن تورک عسگرینه تجاوز مقصدلی آتش آچیلمیش‌دیر. تورکیه‌نین سوریه-ده کی توققوشما‌لارین قارشی‌سینی آلماق اوچون اؤز عسگرینی جبهه خطینه یئرلشدیرمه‌سی تورکیه‌نین بؤلگه‌دکی حربی دایان‌دیرماق مقصدلی ایراده‌سی‌نین آچیق گؤستریجی‌سی‌دیر.

تورکیه بیر طرف‌دن آستانا پروسئسی ایله اسد رژیمی و سوریا موخالیفتی آراسینداکی حربی دایان‌دیرا‌راق اینسان‌لارین هلاک اولماسینا مانع اولوب، طرف‌لر آراسیندا موذاکیره‌لرین و کئچید پروسئسی‌نین یولونو آچدیقدا، دیگر طرف‌دن ایسه سوریه-ده کی خاوس‌دان ایستیفاده ائدن ترور تشکیلات‌لارینا قارشی موباریزنی داوام ائتدیریر. "فرات قالخانی" عملیاتی ایله داعش ترور تشکیلاتینی اؤزونون سرحد منطقه‌سیندن تمیزله‌ین تورکیه‌نین ایکی عملیاتدا یئرلی سوریه-لی قوه‌لر ایله بیرگه حرکت ائتمه‌سی، هم تورکیه‌نین بؤلگه‌دکی تأثیر دایره‌سینی آرتیرمادیغینی هم ده بؤلگه‌ده مستملکچی‌لیک سیاستیله حرکت ائتمه‌دیگینی گؤستریر.

تورکیه ترورلا موباریزه آپارارکن، دیگر طرف‌دن ده قونشو اؤلکه‌سی سوریه-ده باریشین و دینجلیگین تامین ائدیلمه‌سی مقصدیله آددیم‌لار آتیر، دیگر طرف‌دن اؤزونون میللی تهلوکه‌سیزلیگینی تامین ائدیر. بو مینوالدا "فرات قالخانی" عملیاتین‌دان سونرا داعش ترور تشکیلاتی‌نین تورکیه داخیلین‌دکی ترور هوجوم‌لاری و هوجوم تشببوس‌لری آزالمیش‌دیر. همین شکیلده "زیتون دالی" هاتای و آمانووس داغ‌لاری بؤلگه‌سیندکی پ.کا.کا ترور تشکیلات‌لاری‌نین هوجوم‌لارینی و هوجوم تشببوس‌لرینی بیتیرمه نقطه‌سینه گتیریب چیخاردی. لاکین تورکیه‌نین ترورلا موباریزه‌سی دیگر بؤلگه‌لرده داوام ائدیر. عراق داخیلینده داوام ائدن عملیاتلا یاناشی سوریه-نین شیمالین‌داکی پ.کا.کا/ی.پ.گ موجودلدوغونا ایستیقامت‌لی اولا‌راق دا اهمیت‌لی آددیم‌لار آتیلیر. امریکانین ی.پ.گ ایله متفیق‌لیگینی ایسرارلارلا داوام ائتدیرمه‌سی، بؤلگه‌دکی ترورا سون قویولماسینا مانع اولدوقدا، همین زاماندا دا تورکیه‌نین میللی تهلوکه‌سیزلیگینی تهدید ائدیر. تورکیه و امریکا آراسیندا ی.پ.گ و خصوصیله منبیچ بؤلگه‌سی‌نین گلجییله علاقه‌لی موذاکیره‌لر اوزون مدت‌دیر داوام ائدیر. امریکا منبیچ بؤلگه‌سینی اله کئچیررکن تورکیه‌یه ی.پ.گ-نین بؤلگه‌دن چکیلیجی وعدینی یئرینه یتیرمه‌دی و ی.پ.گ-نی قورویوب قالخان اولدو. بو دا ایکی ناتو متفیقی اولان اؤلکه آراسینداکی علاقه‌لری گرگینلشدیردی. امریکانین خاریجی ایشلر ناظیری رکس تیلرسونون تورکیه‌یه گلیب منبیچ مسئله‌سینی تورکیه‌لی همکاری ایله موذاکیره ائتمه‌سیندن سونرا ایکی اؤلکه آراسیندا پرینسیپیال اولا‌راق راضی‌لیق الده ائدیلمیشدی. سونرا ایسه ترامپین تیلرسونون وظیفه‌سینه سون قویا‌راق یئرینه مایک پومپئونو تایین ائتمه‌سی پروسئسین موقتی اولا‌راق دایانماسینا سبب اولدو. آریجی ایشلر ناظیری مولود چاووش اوغلونون کئچن گون‌لرده وئردیگی آچیقلاما ایستیقامتینده ایکی اؤلکه آراسیندا منبیچ مسئله‌سی اوچون اساسدا راضی‌لیق الده اولوندو و دئتال‌لارین قارشی‌دان گلن پروسئسده دقیقلشدیریلمه‌سی پلانلاشدیریلیر. چاووش اوغلونون آچیقلاماسیندا سونرا یئرلی منبع‌لرین چاتدیردیغی معلومات‌لارا گؤره ی.پ.گ سلاح‌لی‌لاری بؤلگه‌نی ترک ائتمک اوچون حاضیرلاشماغا باشلاییب. نتیجه‌ده تورکیه و امریکا آراسینداکی راضیلاشما چرچیوه‌سینده ی.پ.گ منبیچی ترک ائده‌رک فراتین شرقینه کئچه‌جک، تورکیه و امریکا بؤلگه‌دکی تهلوکه‌سیزلیگی بیرلیکده تامین ائده‌جک و ایکی اؤلکه بیرلیکده منبیچ-ین یئرلی ایداره ائتمه اورقان‌لارینی و پولیس قوه‌لرینی فورما‌لاش‌دیرا‌جاق. نه قدر ده تورکیه و امریکا آراسیندا منبیچ پروبلئمی‌نین حلینده آددیم آتیلسا دا فراتین شرقین‌دکی ی.پ.گ ترور موجودلوغو ایکی اؤلکه آراسیندا سوریه زمینینده پروبلئم‌لرین سونا چاتمایاجاغینی گؤستریر. لاکین منبیچده تورکیه و امریکانین بیرگه حرکت ائتمه‌سی ایکی ناتو متفیقی اولان اؤلکه آراسینداکی اونسیت، کووردیناسیون و اعتمادی آرتیرا‌جاق. منبیچ پروبلئمی‌نین حلینده راضی‌لیق الده ائدی بیلن ایکی اؤلکه‌نین سوریه-نین دیگر بؤلگه‌لری اوچون ده راضی‌لیق الده ائتمه‌سی مومکون‌دور.

تورکیه‌نین گوندمینه دایر تحلیل" پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون "تورکیه‌نین سوریه-ده کی سون حمله‌لری" موضوع لو آنالیتیک یازی‌سینی تقدیم ائتدیک.



ایلگیلی‌لی خبرلر