گوندم آنالیز: 8

پ.کا.کا-نین کؤلگه‌سینده تورکیه-امریکا موناسیبت لری

گوندم آنالیز: 8

تورکیه و سوریه-لی موخالیفتین عفرینی ی.پ.گ تروریستلریندن  تمیزلمک مقصدیله باشلاتدیق‌لاری "زیتون دالی"  عملیاتی بیر آیینی باشا ووردو. بو زاماندا تورکیه-امریکا علاقه‌لرینده امریکانین ترورو دستکله‌ین موضعینه گؤره جدی بیر میدان اوخوما موشاهیده اولوندو. تورکیه هم سوریه-نین تورپاق بوتؤو‌لوگونو هم ده اؤز میللی تهلوکه‌سیزلیگینی تهدید آلتیندا گؤرور، امریکا ایسه سوریه-ده ترور تشکیلاتی پ.کا.کا ایله اولان چیرک‌لی اتفاقینی داوام ائتدیرمک اوستونده تکید ائدیر. ایکی ناتو متفیقی آراسینداکی گرگین‌لیک سون دؤورده "ترورا دستک" اوزرین‌دن جدی بحرانا اوز توتسا دا، اصلینده تملینده کئچمیشه اساس‌لانان جدی پروبلئم‌لر ده وار. "عرب باهاریندا" اورتایا قویولان فرق‌لی موضعلر، امریکانین میصردکی چئوریلیشی دستکلمه‌سی و بون‌لاردان ساوایی 15 ژوئیه چئوریلیش جهدی‌نین آرخاسین‌داکی فتو تشکیلاتلانماسی ایله اورتایا چیخان تهلوکه‌لره جاواب قایدا‌لاری تورکیه-امریکا علاقه‌لرینی سارسیتمیش وضعیتده‌دیر.

خاریجی ایشلر ناظیری مولود چاووش اوغلو تورکیه-امریکا علاقه‌لرینه دایر دئدی کی، علاقه‌لریمیز چوخ کریتیک بیر نقطه‌ده‌دیر. یا علاقه‌لریمیزی دوزلدجییک یاخود دا بو علاقه‌لر تامامیله پوزولا‌جاق. ناظیرین بونو سؤیلمه‌سی ایکی اؤلکه آراسین‌داکی علاقه‌لرین موجود وضعیتینی اورتایا قویموش‌دور. امریکا طرفی تورکیه‌نین جدی‌لیگینی باشا دوشممکده ایسرار ائتسه ده، خاریجی ایشلر ناظیری چاووش اوغلونون تیللرسونون داعشه ییغینجاغین‌داکی چیخیشینا توخونا‌راق "تورکیه‌نین ناراحات‌لیغینی باشا دوشوروک، بیز آرتیق سؤزدن چوخ عملیات گؤرمک ایستییریک." ایفاده‌سی تورکیه‌نین امریکادا دویدوغو اعتمادی ایتیردیگینی گؤستریر. آیریجا وئریلن لاکین یئرینه یئتیریلمه‌ین سوزلر اوچون آدیم آتیلماسینی دا ایستییر. آمریکانین تورکیه‌یه وئردیگی سوزلری یئرینه یئتیرمه‌یه‌جگی تقدیرده تورکیه‌نین رادیکال قرارلار قبول ائدجگی نظرده توتولا بیلر. امریکا متفیقلیق آنلاییشینا اویغون آدیم‌لار آتیب تورکیه ایله علاقه‌لرینه دایر بیر سیرا قرارلار قبول ائتسه ده قارشی‌لیق‌لی اعتمادین برپاسی اوزون چکه‌جک‌دیر.

باش ناظرین معاوینی و حکومت سؤزچوسو بکیر بوزداغ تورکیه‌نین سرحد بویونجا قورولماسی پلان‌لاش‌دیریلان ترور دهلیزی و ترورون دؤولتلشدیریلمه‌سی لاییحه‌سینی چؤکدورجگینی قئید ائده‌رک دئدی کی، امریکا پ.کا.کا/کا.ج.کا/پ.ی.د/ی.پ.گ ترور تشکیلات‌لاری باره‌ده تورکیه‌یه وئردیگی سوزلرین یئرینه یئتیریلمه‌سی پروسئسینی لنگی‌دیر، بون‌دان ایمتینا ائتمه‌لی‌دیر. ترور تشکیلاتی‌نین آدینی، لؤوهه‌لری دییشه‌رک ترور تشکیلات‌لارینی و تروریستلری گیزله‌ده بیلمز. بو آدیم‌لارلا حقیقتی دییشه بیلمز و هئچ کسی آلدادا بیلمز. بونو باشا دوشمه‌لی‌دیر. پ.ی.د و ی.پ.گ-نین ترور تشکیلاتی اولدوغونو شرط‌سیز قبول ائتمه‌لی؛ ترور تشکیلات‌لاری ایله امکداش‌لیغینی و ترور تشکیلات‌لارینا کئچدیگی تعلیم، تامین ائتدیگی سلاح-مهمات و دیگر بوتون دستکینه سون قویما‌لی، ترور تشکیلات‌لارینا وئردیگی سلاح‌لاری تحویل آلما‌لی‌دیر.

بوتون بون‌لارین ایشیغیندا امریکانین خاریجی ایشلر ناظیری رکس تیلرسون تورکیه‌یه اؤنم‌لی سفر رئاللاشدیردی. جمهور باشقانی اردوغان ایله اوزون مدت‌لی گؤروش کئچیردی. همکاری چاووش اوغلو ایله ده ایکی‌لی گؤروشده ایشتیراک ائتدی. کئچیریلن گؤروش‌لرده طرف‌لرین بیر-بیرلرینی ایستراتژی طرفداش کیمی گؤردوک‌لری تصدیق ائدیلدیکده، تورکیه بیر داها بیرینجی الدن امریکایا ایستک‌لرینی چاتدیردی. منبیج باشدا اولماقلا سوریه-نین قوریی ایله علاقه‌لی گؤروش‌لری کئچیرمک اوچون مکانیزیم قورولماسی قرارا آلیندی. آنجاق تورکیه امریکا ایله گؤروش‌لری داوام ائتدیررکن بیر طرف‌دن ده بیرباشا پ.کا.کا/ی.پ.گ ترور تشکیلاتینی هدف گؤتورمکده داوام ائدجگینی دقیق شکیلده اورتایا قویدو. البتده امریکا ایله تورکیه آراسینداکی پروبلئم‌لر ساده‌جه پ.کا.کا/کا.ج.کا مسئله‌سی اطرافیندا اورتایا چیخمیر. اساسدا تورکیه-نی بؤلگه‌ده قوروجو بیر آکتیور کیمی گؤرممه تمایولو اولان امریکادا اردوغانین شخصی اوزرینه جملشمیش، قاوراییشا اساس‌لی تورکیه حاقیندا بیر سیرا دوشونجه‌لرین حاکم اولدوغونو گؤروروک. اوزون مدت مئدیا قورولوشلاری طرفین‌دن گوندمه چیخاریلان و تورکیه داخیلین‌دکی طرفداش‌لاری‌نین دستکلدیگی بو دوشونجه تورکیه‌نین میللی منفت‌لرینه کؤلگه سالیر و موباحیثه زمینینی باشقا طرف‌لره ایستیقامتلندیریر. بئله‌لیکله امریکادا تورکیه "اینسان حقوق‌لاری" و "اینسانی دیرلر" اوزرین‌دن موباحیثه اولونارکن، اورتا دوغودا امریکانین ایستیقامتلندیردیگی بیرلشمیش عرب امیرلیک‌لری، سعودی عربیستانی و میصردکی "اینسان حقوق‌لاری" و اینسانی دیرلر" اهمیت داشیمیر. امریکانین ایکی‌لی سیاستی‌نین اساس سببی تورکیه‌نین اؤزونه مخصوص و موستقیل خاریجی سیاستی‌نین اولماسی‌دیر.

15  ژوئیه ده فتو-نون چئوریلیشه جهدی زامانی امریکانین "چئوریلیش اولوب اولمادیغینی دیرلن‌دیریریک" آچیقلاماسی؛ چئوریلیش جهدین‌دن سونرا تورک خالقی‌نین یانیندا اولماق‌دان چوخ چئوریلیشه جهد ائدن‌لرین وضعیتیله ماراقلانماسی و اینجیرلیک بازاسی‌نین چئوریلیش جهدین‌دکی آچار رولو اصلینده ایکی اؤلکه آراسیندا بیر دؤنوش نقطه‌سینی تشکیل ائتمکده‌دیر. فتو ترور تشکیلاتی‌نین قولدورباشی‌نین امریکادا اولماسی مرکزی کشفیات ایداره‌سی‌نین و دیگر امریکا قوروم‌لاری‌نین فئتؤ-نو دستکلمه‌سی تورکیه ایله علاقه‌لری خیلی گرگینلشدیرمیش‌دیر. امریکانین تورکیه طرفین‌دن تقدیم ائدیلن اونلارلا دلیل خصوصیتین‌دکی قوولوق‌لارا باخمایا‌راق، فئتؤ ترور تشکیلاتی‌نین قولدورباشینی تورکیه‌یه تحویل وئرمه‌مه‌سی و باره‌سینده محکمه پروسئسی‌نین باشلانماماسی امریکانین 15 ژوئیه فئتؤ چئوریلیش جهدین‌دن ناراحات اولمادیغینی گؤسترن اؤنملی معلومات‌لاردان بیری‌دیر.

امریکا ایله تورکیه آراسینداکی ضدیت‌لردن بیرینی تشکیل ائدن دیگر موضوع ایسه میصرده چئوریلیش جهدی نتیجه‌سینده دئوریلن محمد مرسی حکومتی‌دیر. تورکیه میصرین ایلک دموکراتیک یوللا سئچیلمیش پرزیدنتینی دستکله‌سه ده امریکانین نظرینده تورکیه ایسلامچی بیر حکومتی دستکلمیش‌دیر. امریکا سیسی‌نین چئوریلیشینی ممنونلوقلا قارشیلادیقدا، تورکیه‌نین مرسی حکومتینه دستکینی داوام ائتدیرمه‌سی اورتا دوغو اوچون امریکا و تورکیه آراسیندا اؤنملی ضدیت تشکیل ائتمیش‌دیر. تورکیه اورتا دوغوداکی دؤولت‌لرده حکومت‌لری خالقین سئچمه‌سینی ایستدیکده، امریکا اؤز منفت‌لری و ماراق‌لاری ایستیقامتینده حرکت ائده‌جک حکومت‌لر ایستییر. امریکادا یایغین اولان دوشونجه بودور کی، اورتا دوغودا سربست سئچکی‌لر ایله حاکمیته گله‌جک حکومت‌لر امریکا طرفداری دئییل‌دیر. بو حکومت‌لر امریکانین منفت‌لرینی و ماراق‌لارینی تهلوکه ایله اوزلش‌دیره‌جک‌دیر.

تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون فیکیرلرینی تقدیم ائتدیک.

 



ایلگیلی‌لی خبرلر