گئچیش حکومتی لایحه‌سی رد ائدیلدی

لایحه‌نین یوخ حؤکمون‌ده اولدوغو بیلدیریلدی

گئچیش حکومتی لایحه‌سی رد ائدیلدی

ونزوئلا یوکسک عدالت محکمه‌سی، مخالیفلرین الین‌ده‌کی میلی مجلسین اوزرین‌ده چالیشدیغی گئچیش حکومتی قانون لایحه‌سینین یوخ حؤکمون‌ده اولدوغونو آچیقلادی.

یوکسک عدالت محکمه‌سینین حاضردا صلاحیتی اولمایان مخالیف اولوسال مجلس‌ده مذاکیره اولونان و اؤزونو گئچیجی پرزیدنت اعلان ائد‌ن اولوسال مجلسین باشقانی خوان گوایدونون بو عنوانینین هر ۳۰ گون‌ده یئنی‌لنمه‌سینی ده احتیوا ائد‌ن دوزنله‌مه‌یه دایر یازی‌لی آچیقلاما وئریلدی.

اولوسال مجلسین اوزرین‌ده چالیشدیغی گئچیش حکومتی قانون لایحه‌سینین ونزوئلا آنایاساسی ایله ضد اولدوغونا یئر وئریله‌ن آچیقلامادا لایحه‌نین یوخ حؤکمون‌ده اولدوغو بیلدیریلدی.

آچیقلامادا، یوکسک عدالت محکمه‌سینین قونو ایله ایلگیلنن آنایاسا محکمه‌سی باشقانی خوان خوزه مندوزا، اؤزونو گئچیجی دؤولت باشقانی اعلان ائد‌رک "گوج غصب ائتدیگی، چئوریلیشه تشبث ائتدیگی و اؤلکه ثابت‌لیگینی پوزماق ایستدیگی" سببی ایله گوایدونو باش ساوجیلیغا شکایت ائتدیگی معلوماتی دا پایلاشیلدی.

گویادونو گئچیجی دؤولت باشقانی اولاراق آتایان و حاضردا صلاحیتی اولمایان میلی مجلس، بو قرارین آنایاسایا اویغون اولاراق آلیندیغینی ساوونماسینا باخمایاراق، هله ده ایستیناد ائتدیکلری قانونون گره‌گی اولان اؤلکه‌نی۳۰ گون‌ده سئچیمه آپارماق شرطینی یئرینه یئتیرمه‌دی.

میلی مجلس بو وضعیته باخمایاراق، سون دارتیشمالارا سبب اولان لایحه ایله گوایدونون اعلان ائتمه‌سی لازیم اولان سئچیملری ۱۲ آیا قدر اوزاتماغی پلانلاشدیریر.



ایلگیلی‌لی خبرلر