آوروپا بیرلیگیندن ایسرائیله تپکی

آوروپا بیرلیگی‌نین فیلیسطین‌دکی نماینده‌لری، شیخ جراح محله‌سین‌دکی ائوینه تخلیه قراری گلن صباغ عائله‌سینی زیارت ائدیب

1130434
آوروپا بیرلیگیندن ایسرائیله تپکی

آوروپا بیرلیگی‌نین ایشغال آلتین‌داکی شرقی قودس و رام الله‌داکی نماینده‌لیک‌لری، ایسرائیلین یاشاییش منطقه‌سی سیاست‌لری ایله شرق قودس‌ده فیلیسطین‌لی‌لره عایید ائولرین بوشالدیلماسی قرارینا "شیدتله" قارشی چیخدیق‌لارینی آچیقلاییب.

آوروپا بیرلیگی‌نین فیلیسطین‌دکی نماینده‌لری، شیخ جراح محله‌سین‌دکی ائوینه تخلیه قراری گلن صباغ عائله‌سینی زیارت ائدیب.

سفرین آردین‌دان آپاریلان بیرگه آچیقلامادا، "تخلیه قراری‌نین ایجراسی وضعیتینده صباغ عائله‌سین‌دن 6سی اوشاق 32 نفر قاچقین وضعیتینه دوشه‌جک." دئییلدی.

آوروپا بیرلیگی‌نین ایسرائیلین یاشاییش منطقه‌سی سیاست‌لری ایله بو چرچیوه‌ده فیلیسطین‌لی‌لره عایید ائولرین بوشالدیلماسی و داغیدیلماسی ایستیقامتینده وئردیگی قرارلارا "شیدتله" قارشی چیخدیغی قئید ائدیلن آچیقلامادا، بو ایفاده‌لره یئر وئریلیب:

" یهودی یاشاییش منطقه‌سی تیکمه و گئنیشلندیرمه سیاستی، اولوسلار آراسی قانون‌لارا گؤره غیری-قانونی‌دیر. ایسرائیلین بو ایستیقامت‌دکی فیکرینی داوام ائتدیرمه‌سی، داوام‌لی باریش و ایکی دولت‌لی حلّ ایمکان‌لارینی ضرر وئریر".

ایسرائیل رهبرلیگی، 3 ژانویه‌ده شیخ جراح محله‌سینده فیلیسطین‌لی 5 عائله‌یه، ائولرینی 20 گون عرضینده بوشالدما‌لاری باره‌ده تبلیغات ائتمیشدی.

یهودی ساکینلر ده اؤتن ایللرده عینی محله‌ده فیلیسطین‌لی‌لره عایید بعضی ائولره ال قویموشدو.

شیخ جراح محله‌سی‌نین اورتاسیندا یهودی‌لرین "شیمون هاسیدیک توربه‌سی" آدینی وئردیگی بیر توربه یئرلشیر و هر گون یوزلرله محافیظه‌کار یهودی بورایا گئده‌رک عبادت ائدیر.

محافیظه‌کار یهودی‌لر، همین یئرین یهودی بیر دین آدامینا عایید مقام اولدوغونو ساوناراق، فیلیسطین‌لی‌لر ایسه مکانین قودس‌دکی مشهور حیجازی عائله‌سی‌نین بابالاریندان‌ الشیخ سدی‌نین مزاری اولدوغونو بیلدیریر.

شیخ جراح محله‌سی، شرقی قودسده ایسرائیل‌لی یهودی ساکینلر قروپ‌لار طرفین‌دن ان چوخ هدفه آلینان محله‌لر آراسیندا یئر آلیر.



ایلگیلی‌لی خبرلر