"تورکیه‌نین گوونلیک قایغیلاری نظره آلینمالی"

گوترش، بیرلشمیش میلتلر باش قرارگاهین‌دا دوزنله‌دیگی مطبوعات توپلانتی‌سین‌دا گوندمه دایر سواللاری جاوابلاندیردی

"تورکیه‌نین گوونلیک قایغیلاری نظره آلینمالی"

بیرلشمیش میلتلر تشکیلاتینین باش کاتیبی آنتونیو گوترش، سوریه‌نین قوزئیینده ۲۰ میل درین‌لیک‌ده (۳۲ کیلومتر) گوونلیلی بؤلگه یارادیلماسی تکلیفینه دایر تورکیه‌نین مشروع گوونلیک قایغیلارینین نظره آلینماسی لازیم اولدوغونو سؤیله‌دی.

گوترش، بیرلشمیش میلتلر باش قرارگاهین‌دا دوزنله‌دیگی مطبوعات توپلانتی‌سین‌دا گوندمه دایر سواللاری جاوابلاندیردی.

سوریه‌نین قوزئیینده ۲۰ میل درین‌لیک‌ده (۳۲ کیلومتر) گوونلی بؤلگه اولوشدورولماسینا دایر سوال اوزرینه گوترش،

"سوریه اوچون تاپیلان چؤزومون اوچ پرینسیپ‌دن عبارت اولماسی لازیم اولدوغونا اینانیریق. ایلکی، سوریه‌نین بیرلیگی و تورپاق بوتؤولویو اولمالی‌دیر. ایکینجی پرینسیپ، تورکیه‌نین مشروع گوونلیک قایغیلاری نظره آلیناجاق. اوچونجو اولاراق سوریه اهالی‌سینین چئشیدلی‌لیگی نظره آلینمالی و توپلومون آیری آیری بیله‌شن‌لرینین(اجزالارینین) ده سسینین ائشیدیلمه‌سینه ایجازه وئریلمه‌لی‌دیر. بیزیم ۳ طلبیمیز بو" دئدی.

بیرلشمیش میلتلرین، سعودی ژورنالیست جمال قاشیق‌چی جینایتیله باغلی اولوسلارآراسی بیر سوروشدورما باشلاییب باشلامایاجاغینا دایر سوالینا ایسه گوترش،

"منیم هر هانسی بیر سوروشدورما صلاحیتیم یوخدور. باش کاتیبین نه ائدیب، نه ائتمه‌یه‌جگی قونوسون‌دا بیر قاریشیق‌لیق وار. سوروشدورمانی، بیرلشمیش میلتلر گوونلیک شوراسی، باریش و گوونلیگی تهدید ائتدیگینه قرار وئریب منه صلاحیت وئررسه باشلادابیلرم. بعضی حاللاردا ایسه بیرلشمیش میلتلر باش مجلیسی صلاحیت وئره‌بیلر. منیم جزایی سوروشدورما باشلاداجاق بیر یئتکیم یوخدور و هئچ بیر اؤلکه‌دن ده هر هانسی بیر رسمی طلب گلمه‌دی. بیرلشمیش میلتلر اینسان حاقلاری شوراسی بو جور وضعیتلرده قرار آلماق اوچون بیر احتیمال. عضو اؤلکه‌لردن طلب گلمه‌سی حالین‌دا بیرلشمیش میلتلر اینسان حاقلاری شوراسینین ایستیفاده ائده‌بیله‌جگی بیر چوخ اصول وار" ایفاده‌لرینی ایشلتدی.

سوئیسین داووس قصبه‌سین‌ده ۲۲-۲۵ ژانویه‌ده گئچیریله‌جک دونیا اقتصادی فورومونا قاتیلاجاغینی دا آچیقلایان گوترش، کره یاریم آداسینین نوکلئر سلاحلاردان تمیزلنیلمه‌سی مقصدیله بیر یول خریطه‌سی معین ائدیلمه‌سی اوچون آمریکا بیرلشمیش دؤولتلری و قوزئی کره‌نین، جدی دانیشیقلارا باشلاماسی لازیم اولدوغونو سؤیله‌دی.



ایلگیلی‌لی خبرلر