ایرانی وورماق پلانی ادعاسی

آمریکانین بغداد سفیرلیگینه سپنیامبر آییندا کئچیریلن سالدیرینین آردین‌دان، میللی امنیت شوراسی‌نین ایرانی وورماینی گؤروشدوغو ایره‌لی سورولوب

ایرانی وورماق پلانی ادعاسی

ایرانی وورماق پلانی ادعاسی

آمریکانین بغداد سفیرلیگینه سپنیامبر آییندا کئچیریلن سالدیرینین آردین‌دان، میللی امنیت شوراسی‌نین ایرانی وورماینی گؤروشدوغو ایره‌لی سورولوب.

ادعایا گؤره، آغ سارای میللی امنیت شوراسی، ساوونما ناظیرلیگین‌دن (پنتاگون)، سؤز قونوسو سالدیری اوچون ساواش پلانی طلب ائدیب.

آمریکا وال استریت ژورنال قزئتی‌نین کئچمیش و وظیفه‌دکی نماینده‌لره اساسلاندیردیغی خبرینده، سپتامبر آییندا آمریکانین بغداد سفیرلیگینه قارشی سالدیری سونراسیندا، میللی امنیت موشاویری جان بولتون‌ون ایداره میللی امنیت شوراسی‌نین ایرانی وورماق مسئله‌سینی موذاکیره ائتدیگی، پنتاگون‌دان دا بو مسئله‌ده نیظامی واریانت طلب ائتدیگی ایره‌لی سورولدو.

شورانین طلبی‌نین، پنتاگون و خاریجی ایشلر ناظیرلیگینی ناراحات ائتدیگی بلیرتیلن خبرده، کئچمیش میللی امنیت شوراسی موشاویر معاوینی میرا ریکاردل‌ین آمریکا سفیرلیگینه قارشی سالدیری "ساواش اعلانی" کیمی حسابلادیغینی و آمریکانین بونا اویغون آددیم‌لار آتماسینی ایستدیگی یازیلیب.

پنتاگونون، کونسئیین طلبینه جاواب وئریب کی، ایرانا قارشی سالدیری پلانلارینی گؤندردیغینه دقت چکن خبرده، آغ سارایین بو مسئله‌ده آتیلا‌جاق آددیمین اوزرینده ایشله‌ییب ایشلمدیگی و باشقان دونالد ترامپ‌ین بو موضوعدا معلومات صاحبی اولوب اولمادیغی‌نین ایسه معلوم اولمادیغی بیلدیریلیب.

پنتاگون موضوعیلا ایلگیلی آچیقلاما ائتمک‌دن قاچینارکن، وال استریت ژوورنال قزئتی، شورانین، عراق و سوریه‌ده همزمان‌لی سالدیری تشکیل ائتمک اوچون بعضی نیظامی پلانلاری ایسته‌دیغینی ادعا ائدیب.



ایلگیلی‌لی خبرلر