امانوئل ماکروندان پروتستولارا دایر فرانسیزلارا آچیق مکتوب

مانول ماکرون، ساری جیلیقّالی‌لارین اعتراض‌لاری‌نین یول آچدیغی پروبلم‌لره حلّ یولو تاپماق مقصدیله وطنداش‌لارین دا قاتیلیمی ایله اؤلکه میقیاسیندا مذاکره‌لر آپاراجاغینی بیلدیریب

امانوئل ماکروندان پروتستولارا دایر فرانسیزلارا آچیق مکتوب

فرانسا پرزیدنتی امانول ماکرون، ساری جیلیقّالی‌لارین اعتراض‌لاری‌نین یول آچدیغی پروبلم‌لره حلّ تاپماق مقصدیله وطنداش‌لارین دا قاتیلیمی ایله اؤلکه میقیاسیندا مذاکره‌لر آپاراجاغینی بیلدیریب.

امانوئل ماکرون، شدت‌لی حادثه‌لرینه سبب اولان پروتستولارا دایر فرانسیزلارا آچیق مکتوب یازدی.

مکتوبوندا، اؤلکه‌ده بعضی وطنداش‌لارین وئرگی‌لرین یوکسک، حقوق‌لارین آشاغی، دولت خیدمت‌لری‌نین یئترسیز اولماسی و اینسانی شرایطده یاشاماغین چتینلیگین‌دن قایناقلانان خشملری‌نین فرقینده اولدوغونو بیل‌دیرن ماکرون، تکجه فرانسادا دئییل عینی زاماندا آوروپادا دا اینسان‌لارین ناراحات‌لیق داشیدیغینی، بو سبب‌دن پروبلم‌لره حلّ ائتمه‌سی لازیم اولدوغونو سؤیله‌دی.

ماکرون، "آنجاق بونون اوچون شدته مراجعت ائتممگین شرط اولدوغونو" وورغولاییب.

اؤلکه‌نین سئچیلمیش اینسان‌لارینا تحقیر ائدیلمه‌سینی، ژورنالیست‌لرین تقصیرلندیرمه‌سینی، رسمی قوروم‌لارین سالدیرییه معروض قالماسینی قبول اولونامازلیغینی وورغولایان ماکرون، ساری جیلیقّالی‌لارین اعتراضلاری‌نین سبب اولدوغو پروبلم‌لره حلّ تاپماق اوچون 15 مارسا قدر وطنداش‌لارین دا قاتیلیمی ایله اؤلکه میقیاسیندا موذاکیره‌لر ائده‌جگینی بیلدیردی.

ماکرون، فران‌سیزلارین بؤیله‌جه،اولکه‌دکی پروبلم‌لره دایر فیکیرلرینی و تکلیف‌لرینی بیل‌دیره ایفاده ائتدی.

ایشسیزلیکله موباریزه‌نین اؤزو اوچون اؤنجه‌لیک اولدوغونا ایشاره ائدن ماکرون، عدالت‌سیزلیک‌لری آرا‌دان قال‌دیرماق اوچون یئنی بیر سوسیال سیستم قورولماسی لازیم اولدوغونا ایناندیغینی قئید ائدیب.

امانوئل ماکرون، بو موذاکیره‌لرده وئرگی سیستمی، عمومی خرج‌لری، دولتین و دولت قوروم‌لاری‌نین فعالیتی، ایقلیم دییشیک‌لیگی و دموکراسی مسئله‌لری‌نین موذاکیره اولوناجاغینی بیلدیریب.

بو مسئله‌لرده فران‌سیزلارا سوال‌لار یؤنلتن ماکرون، ساری جیلیقّالی‌لارین اعتراض ائتدیگی یوکسک وئرگی‌لرین آزالدیلماسی اوچون دولت خرج‌لری‌نین آزالدیلماسی لازیم اولدوغونا دقتی چکدی.

ماکرون، ایقلیم دییشیک‌لیگی ایله موباریزه‌نین اهمیت‌لی اولدوغونو، بونون اوچون ده بعضی یاتیریملار یاپیلماسی لازیم اولدوغونو بیلدیریب.

فرانسانین وطنداش‌لاری‌نین سسینه داها حساس اولماسی لازیم اولدوغونون وورغولایان ماکرون، حالقا، قاچقین‌لار موضوعسوندا نئجه بیر یول گئتمک لازیم‌دیر سوالینا دا یؤنلتدی.

فرانسادا یاناجاق قیمتلری آرتیریلدی و ایقیتصادی شرایطین پیسلشمه‌سینه اعتراض اولا‌راق 17 نوامبر 2018ده باشلایان حرکت‌لر، اؤلکه‌ده سون ایللرین ان شدت‌لی اعتراضی حالینا گلدی.

اعتراضلاردا پولیسله گؤستریچی‌لرین آرا آرا توققوشماسی، دولت اورقان‌لارینا سالدیری‌لار، ماغازا‌لارین تالان ائتمه‌سی، واسطه‌لرین و زیبیل کونتئینرلری‌نین یاندیریلماسی، کوچه‌لرده آلوو‌لارین یوکسلمه‌سی، پولیس‌ین گإستریچی‌لره آغیر موداخیله‌سی دقتی چکدی.

اعتراض‌لاردا 10 نفر اؤلدو و مین 700دن چوخ اینسان یارالانیب، 5 مین 600 نفر ساخلانیلیب، مین‌دن چوخ اینسان حبس جزاسینا محکوم ائدیلیب.

ایقتیصادی جهت‌دن گؤستری‌لر 58 مین نفری ایشسیز قویدو، بونون دولته دگری 32 میلیون آورو اولوب. بونونلا برابر اعتراض‌لار سببیله آلیش وئریش مرکزلری‌نین ضرری 2 میلیارد آورو کئچدی.

اعتراض‌لار اوزون‌دن کئچن آی پاریس‌ه کئچیریله‌جک اولوسلار آراسی اوچوش‌لاردا یوزده 5-10 آزالما باش وئررکن، بو ایلین ایلک 3 آیی اوچون پاریسه اوچوش رزرواسیون‌لاریندا دا یوزده 6.8 گئریلمه اولوب.



ایلگیلی‌لی خبرلر