اؤلکه‌نین آدینین باشینا "قوزئی" علاوه اولوناجاق

آنایاسا دییشیک‌لیکلری مجلیسین اوچده ایکی‌سی اولان ۸۱ میللت وکیلینین اویویلا قبول ائدیلدی

اؤلکه‌نین آدینین باشینا "قوزئی" علاوه اولوناجاق

مقدونیه مجلیسی، اؤلکه‌نین آدینین قوزئی مقدونیه جمهوریتی اولاراق دییشدیریلمه‌سینی اؤن گؤرن آنایاسا دییشیکلیگینی اونایلا‌دی.

 ۱۲۰ میللت وکیلینین اولدوغو مجلیس‌ده‌کی اوتورومدا، مخالیفت‌ده‌کی ایچ مقدونیه دئوریم‌چی هؤرگوتو-مقدونیه میللی دموکراتیک بیرلیگی میللت وکیللری قاتیلمازکن، ۸۱ میللت وکیلی حاضر اولدو.

اوتوروما داها اؤنجه ایچ مقدونیه دئوریم‌چی هؤرگوتو-مقدونیه میللی دموکراتیک بیرلیگینده اولان و آنایاسا دییشیک‌لیکلرینی دستکله‌مه‌لریندن دولایی پارتیلرین‌دن ایخراج ائدیله‌ن ۸ مستقیل میللت وکیلی ده قاتیلدی.

یونانیستان ایله مقدونیه آراسین‌دا ۱۷ ژوئنده ایمضالانان پرئسپا آنلاشماسی چرچیوه‌سین‌ده، مقدونیه‌نین آدینین "قوزئی مقدونیه" اولاراق دییشدیریلمه‌سینی اؤن گؤرن آنایاسا دییشیک‌لیکلری مجلیسین اوچده ایکی‌سی اولان ۸۱ میللت وکیلینین اویویلا قبول ائدیلدی.

 آنایاسادا دییشیک‌لیکلر، پرزیدنت جورج ایوانووون اونایلاما‌سینین آردین‌دان قوه‌یه گیره‌جک.

باش‌دا تورکیه اولماق اوزره بیر چوخ دؤولت، مقدونیه‌نی آنایاسا آدی اولان "مقدونیه جمهوریتی" آدییلا تانیسا دا یونانیستان، اؤز سرحدلری ایچین‌ده "مقدونیه" آدلی بیر بؤلگه اولدوغو سببیله اؤلکه‌نین آدینین دییشدیریلمه‌سینی طلب ائدیردی.

مقدونیه، مستقیللیگینی اعلان ائتدیگی ۱۹۹۱.جی ایلده‌ن بو یانا گونئی قونشوسو یونانیستان ایله داوام ائد‌ن آد پروبلئمی سببیله آوروپا بیرلیگی (آ.ب) و ناتویا عضو اولابیلمیر.

یونانیستان باشباخانی آلکسیس چیپراس دا ژانویه آیین‌دا آنلاشما‌نی یونانیستان مجلیسینه گتیرمیه‌یی پلانلادیقلارینی بیلدیرمیشدی.

مقدونیه و یونانیستانین، واردیقلاری آنلاشمادا یئر آلان تعهدلارینی تامامیله یئرینه گتیرمه‌لرینین آردیندان مقدونیه‌نین "قوزئی مقدونیه جمهوریتی" آدی ایله رسمی اولاراق ناتونون ۳۰.جو عضوو اولماسی گؤزلنیلیر.



ایلگیلی‌لی خبرلر