دونالد ترامپ: حکومت قاپالی چونکی دموکراتلار سرحد امنیتی اوچون فوند آییرمیر
دونالد ترامپ، اؤلکهسینین جنوب سرحدینده اینسانی بحران یاشاندیغینی بیلدیرهرک، دموکراتلاری بونون حلّینه مانع اولماقدا گوناهلاندیریب
آمریکانین پرزیدنتی دونالد ترامپ،
"حکومت تک اما تک بیر سببه گؤره قاپالی: دموکراتلار سرحد امنیتی اوچون فوند آییرمیر." دئدی.
دونالد ترامپ، اؤلکهسینین جنوب سرحدینده اینسانی بحران یاشاندیغینی بیلدیرهرک، دموکراتلاری بونون حلّینه مانع اولماقدا گوناهلاندیریب.
ترامپ، ایکی هفتهدیر آمریکا فدرال حکومتینین باغلانماسینا سبب اولان مکزیک دیواری اوچون میللته مراجعت دانیشماسیندا کامرالارین قارشیسینا کئچدی.
آمریکانین جنوب سرحدینده اینسانی بحران یاشاندیغینی دئین ترامپ،
"اورادا اینسانلارین عذاب چکدیگی بیر دؤنگو واردیر. بونو دایاندیرماغا قرارلییام. مکزیک اوزریندن آمریکایا دوغرو چیخدیقلاری یولدا اوچ قادیندان بیری سالدیریا اوغراییر. بیزیم خیردا سیستمیمیزین ان بؤیوک قوربانلاری قادینلار و اوشاقلاردیر. بو جنوب سرحدیمیزده سؤز موضوعسو اولان غیری-قانونی گؤچ فاجعهلی بیر رئاللیغیدیر." دئیه دانیشدی.
دموکراتلارین دیوار اوچون موقتی بودجهده فوند آیریلماسینا قارشی چیخدیغینی خاطیرلادان ترامپ، بودجه بحرانیندان دولایی حکومتین ایکی هفتهدیر قاپالی قالماسی مسئلهسینده دموکراتلارا یوکلندی.
ترامپ،
" حکومت تک اما تک بیر سببه گؤره قاپالی: دموکراتلار سرحد امنیتی اوچون فوند آییرمیر. بو وضعیت 45 دقیقهلیک بیر گؤروشده حلّ اولونابیلر. بونو حلّ ائتمک اوچون کونگرهنین آپاریجی آدلارینی آغ ائوه دعوت ائتدیم." ایفادهلرینی ایستیفاده ائتدی.
آمریکا لیدری، دیوارین بدلینین مکزیک ایله کئچیریلن یئنی تیجارت آنلاشماسی اوزریندن تحصیل ائدیلهجگی ادعاسینی دا چیخیشیندا تکرارلاییب.
میللته مراجعتدن سونرا کامرالارین قارشیسینا کئچن نمایندهلر مجلیسینین باشقانی نانسی پلوسی ایله نیویورک سناتورو و سناتور آزینلیق لیدری دموکرات چاک شومر ایسه، دونالد ترامپا اعتراض گؤستردی.
ترامپین میلیونلارلا آمریکالینین ضررچکدیغینی ایستیفاده ائتدیگینی ایفاده ائدن پلوسی،
"هیچ بیر صدر ماسایا یومروق ووروب، یا اؤز یولوندان گئدهجک، یا دا حکومتی باغلایاجاغینی دئممهلیدیر. صدر ترامپ، آمریکا خالقینی گیروو ساخلاماغی بوراخمالی، بحران اوهتمهگی قویمالی و حکومتی آچمالیدیر." دئدی.
شومر ایسه سرحد امنیتی ایله حکومتین باغلانماسینا یول آچان بودجه بحرانینین آیری-آیری اله آلینماسی لازیم اولدوغونو بیلدیریب.
نیویورک سناتورو،
" سینیر امنیتینه دایر موباحیثهنین داوام ائتمهسینه ایمکان وئرن و حکومتین آچیلماسینی تامین ائدن ایکی پارتی، دموکراتلار و جمهوریتچیلرین دستکلدیگی بیر قانون لاییحهسی وار. سیاسی فرقلر اوزریندن میلیونلارلا آمریکالییا ضرر وئرمک اوچون بیر بهانهسی یوخدور." قیمتلندیرمهسینی کئچیریب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب