پ‌کاکا اوچون ساواشان ایتالیالیلارا اؤزل نظارت

۵ ایتالیالی اوچون "اجتماعی تهلوکه" یاراداجاقلاری سببیله "اؤزل نظارت" طلب ائدیلدی

پ‌کاکا اوچون ساواشان ایتالیالیلارا اؤزل نظارت

ایتالیانین تورینو ساوجیلیغی، بؤلوجو ترور هؤرگوتو پ‌کاکا/یپگ جرگه‌سین‌ده سوریه‌ده ساواشان و اؤلکه‌یه قاییدان ۵ ایتالیالی اوچون "اجتماعی تهلوکه" یاراداجاقلاری سببیله "اؤزل نظارت" طلب ائتدی.

ساوجیلیق طرفین‌دن وئریلن یازیلی آچیقلامادا، سون ۲ ایلدیر ترور هؤرگوتو یپگ/پ‌کاکا اوچون چالیشدیغی معین ائدیله‌ن سؤزوگئدن ۵ نفرین، سوریه‌ده ایکن سلاح‌لی اجنبی قروپلاردان آلدیقلاری حربی تعلیم اوچون "اجتماعی تهلوکه" یاراداجاقلاری و بو اوزده‌ن سؤزوگئدن شخصلر اوچون اؤزل گؤزتیم طلب ائدیلدیگی بیلدیریلدی.

ساوجیلیق، ۲۳ ژانویه‌ده تورینو محکمه‌سین‌ده حاکم قارشی‌سینا چیخاریلاجاق ۵ ایتالیالینین "تروریست کیمی سوروشدورولمادیغینی" بیلدیردی.

آشیری سول گؤروشلو قروپلارا باغلی ۵ ایتالیالی ایسه "اؤزگورلوکلرینی محدودلاشدیراجاغی" و بو سببله ده پلیس طرفین‌دن "اؤزل نظارت" اویقولاماسینا قارشی چیخدی.

ایتالیا مطبوعاتینا آچیقلاما وئر‌ن بو اینسانلار، سوریه‌ده سلاح ایستیفاده ائتمه و حربی تعلیم آلدیقلارینی قبول ائتدی، شرطلر سببیله بونون مجبوری اولدوغونو ایر‌لی سوردو.

دیگر طرف‌دن، سوریه‌‌ده یپگ/پ‌کاکا اوچون چالیشان جیوانی فرانچسکو آسپرتی آدلی ایتالیا وطنداشینین، ۷ دسامبردا دیرالزوردا یول قضاسین‌دا حیاتینی ایتیردیگی قید اولوندو.

ایتالیا خاریجی ایشلر باخانلیغی، برگامو شهری دوغوملو اولان ۵۰ یاش‌لی آسپرتینین اؤلوم خبرینی دوغرولادی.

باخانلیق مقاملاری مسئله ایله باغلی آیرینتی وئریلمه‌یه‌جگینی بیلدیردی.



ایلگیلی‌لی خبرلر