آمریکا مخالفلری تهدید ائتدی

"فیللر تپیشیرکن اورادان اوزاق دورمالیسینیز"

آمریکا مخالفلری تهدید ائتدی

تورکیه، سوریه‌ده فیرات چایینین دوغوسوندا‌کی بؤلوجو ترور هؤرگوتو یپگ/پ‌کاکا عنصورلارینا قارشی حربی عملیاتا حاضیرلانیرکن، آمریکا بیرلشیک دؤولتلری سوریه‌لی حربی و سیاسی مخالیفلری عملیاتا قاتیلمامالاری قونوسون‌دا تهدید ائتدی.

 آمریکا، پرزیدنت رجب طیب اردوغانین فیرات چایینین دوغوسوندا اون مینلرجه مربع کیلومتر تورپاغی ایشغال ائد‌ن یپگ/پ‌کاکایا قارشی حربی عملیاتین باشلایاجاغینی آچیقلاماسینین آردین‌دان، بونو انگلله‌مک آماجی ایله چالیشمالارینی آرتیردی.

آمریکا پرزیدنتی دونالد ترامپین یانی سیرا آمریکا‌لی باخان و حربی یئتکی‌لیلر آنکاراداکی قونومداشلارینی آرایاراق "قایغی" مئساژلاری وئرمه‌یه داوام ائدرکن، آمریکا دیپلوماسی‌سی و استخباراتی سوریه‌لی مخالیفلری تهدید ائتمه‌یه باشلادی.

آمریکالی یئتکی‌لیلر، اؤزگور سوریه اوردوسو قروپلارینا و مخالیفتین اوست قورولوشو سوریه مخالیفتی و دئوریم‌چی گوجلر کوالیسیونونا گؤندردیکلری تهدید مضمون‌لو مئساژدا، تورکیه‌نین گرچکلشدیره‌جگی حربی عملیاتا قاتیلمامالارینی طلب ائتدی.

مئساژدا، عملیاتا قاتیلاجاق عنصورلارین بیرباشا آمریکا اوردوسویلا قارشی قارشییا گله‌جگی ادعا ائدیلدی. آمریکالی مقام‌لار، تهدید مئساژینی داها ایر‌لییه آپاراراق، "فیللر تپیشیرکن اورادان اوزاق دورمالیسینیز" ایفاده‌لرینی ایشلتدی.



ایلگیلی‌لی خبرلر