می بریکسیت سس وئرمه‌سینی تاخیره سالدی
اینگیلیستان باش ناظیری ترزا می، اؤلکه‌سی‌نین آوروپا بیرلیگیندن آیریلماسینی نظرده توتان بریکسیت آنلاشما‌سی‌نین پارلامنتده سس وئرمه‌یه چیخاریلماسینی تاخیره سالدیغینی آچیقلاییب
اینگیلیستان باش ناظیری ترزا می، اؤلکه‌سی‌نین آوروپا بیرلیگیندن آیریلماسینی نظرده توتان بریکسیت آنلاشما‌سی‌نین پارلامنتده سس وئرمه‌یه چیخاریلماسینی تاخیره سالدیغینی آچیقلاییب.
ترزا می، پارلامنتین آلت قانادی عوام مجلیسینده چیخیشیندا، 11 دسامبر چرشنبه آخشامی (بو گون) آپاریلماسی اؤنگؤرولن بریکسیت آنلاشما‌سی سس وئرمه‌سینی "تدبیر مادده‌سینه" قارشی تنقیدلری نظره آلاراق ارته‌لدیغینی آچیقلاییب.
می، بو هفته ائدیله‌جک آوروپا بیرلیگی ایجلاسیندا صاحب‌لرین‌دن "تدبیر ماده‌سی" ایله باغلی قایغی‌لاری آرا‌دان قال‌دیرا‌جاق "تأمینات‌لار" آلماغا چالیشاجاغینی قئید ائدیب.
می‌ین اؤتن آی آوروپا بیرلیگی ایله گلدیگی بریکسیت آنلاشما‌سی اؤلکه‌سینده هیچ کسی ممنون ائتمه‌دی. می‌ین پارتیسی‌نین 315 میللت وکیلین‌دن عبارت پارلامنت قروپون‌دان 101 میللت وکیلی ایله حکومته کناردان دستک وئرن قوزئی ایرلندین رادیکال ساغ دموکراتیک بیرلیک پارتیسی (DUP) دا سازیشه سس وئرجگینی اعلان ائتمیشدی.
آوروپا عدالت دیوانی‌نین دونن آچیقلادیغی قرارلا اینگیلیستان‌نین، عضو اؤلکه‌لرین آوروپا بیرلیگیندن آیریلما پروسه‌سینی دوزنلمه‌ین لیزبون آنلاشما‌سی‌نین 50-جی ماده‌سی‌نین ایشلنیلمه‌سینی تک طرف‌لی دایان‌دیرا حؤکم ائتمه‌سی ده می‌ین الین‌دکی آنلاشمانی پارلامنته قبول ائتدیرمک شانسینی آزالتمیشدی.
عدالت دیوانی قراری، اؤلکه‌ده بریکسیت مسئله‌سینده یئنی بیر رفراندومو اوچون کامپانیا آپاران دایره‌لری جسارتلندیردی.
می‌ین جمعه گونو بلژیک‌ین پایتختی بروکسل‌دکی آوروپا بیرلیگی ایجلاسیندا آوروپا بیرلیگی طرفین‌دن "تدبیر ماده‌سی"نه واخت تهدیدی یئتیریلمه‌سینی و یا اینگیلیستانا بو دوزنلمه‌دن تک طرف‌لی چکیلمه حاقی تانینماسینی ایستمه‌سی گؤزلنیلیر.
تدبیر ماده‌سی
ماده، آوروپا بیرلیگی عضوو ایرلند جمهوریتی ایله اینگیلیستان‌نین پارچاسی اولان قوزئی ایرلند آراسیندا بریکسیت سونرا فیزیک سرحد عمله گلمه‌سینی مانع اولماغی ایستییر.
" تدبیر ماده‌سی ایله" اینگیلیستان‌ین بوتونو، بلیرسیز مدت اوچون آوروپا بیرلیگی ایله گؤمروک بیرلیگی ایچینده قالا‌جاق.
