هدر ناوئرت امریکانین بمت-ده کی نوماینده سی أولا بیلر؟

امریکانین خاریجی ایشلر ناظیرلیگی‌نین سؤزچوسو هدر ناوئرت‌ین پرزیدنت دونالد ترامپ طرفیندن امریکانین بمت-ده کی دایمی نماینده‌سی وظیفه‌سینه نامیزد گؤستریله جگی ادعا ائدیلدی.

امریکا مئدیاسیندا یوکسک وظیفه‌لی شخص‌لره ایستینا‌دن یاییلان خبرلرده ترامپین یاخین زاماندا بونونلا باغلی آچیقلاما وئرجگی بیلدیریلدی.

ناوئرت بو وظیفه‌یه نامیزد گؤستریلسه و اونون نامیزدلی امریکا سناتی طرفیندن ده تصدیق ائدیلسه، خاریجی ایشلر ناظیرلیگی‌نین سؤزچوسو وظیفه‌سینی بوراخا‌راق بمت-ده نیکی هیلی‌نین یئرینی توتا‌جاق.

داها اول امریکانین فوکس نیوز کانالی‌نین آپاریجی‌سی اولان ناوئرته ترامپ رهبرلیگینده خاریجی ایشلر ناظیرلیگی‌نین سؤزچوسو وظیفه‌سی وئریلمیشدی.

ترامپین کابینه سینده چوخ آز سایدا قادین‌لاردان بیری اولان نیکی هیلی اکتبرین 9-دا امریکانین بمت-ده کی دایمی نوماینده‌سی وظیفه‌سین‌دن ایستعفا وئرجگینی آچیقلامیشدی.

هیلی‌نین وظیفه‌سینی ایلین سونونا قدرداوام ائتدیرجگی بیلدیریلمیشدی.