آمریکا یؤنتیمی اوشاقلاری آنا-آتالاریندان آییردی

کؤچمن حاقلاری تشکیلاتلاری، والیدینین، حاق‌سیز یئره سوچلو اولاراق گؤستریلدیگینی ادعا ائدیر

آمریکا یؤنتیمی اوشاقلاری آنا-آتالاریندان آییردی

آمریکا بیرلشیک ایالتلری یؤنتیمی، ژوئن آیین‌دان بو یانا مکزیک سرحدین‌ده ۸۱ کؤچمن اوشاغی، عائله‌لرین‌دن آییردی.

آسوشیتد پرس آژانسینین وئردیگی رسمی معلوماتلارا گؤره، آمریکا پرزیدنتی دونالد ترامپین آنا-آتالاری اوشاقلاری ایله بیر آرادا توتماق آماجی ایله قرار چیخاردیغی ۲۱ ژوئن‌دن بو یانا آمریکالی یئتکیلیلری مکزیک سرحدین‌ده ۸۱ کؤچمن اوشاغی عائله‌لرین‌دن آییردی.

اوشاقلارین‌دان آیریلان ۷۶ یئتیشکین‌دن ۵۱ینین سابقه‌لی، ۱۰ونون چته‌لرله باغلانتی‌لی اولدوغو، ۴و حاقین‌دا توتوقلاما قرارینین اولدوغو، ۹ونون خسته‌خانایا قالدیریلدیغی ایفاده ائدیلرکن، ۲ والیدنین ده کؤچ دوزنلمه‌لرینی پوزدوغو قید ائدیلدی.

آمریکادا کؤچ یئتکیلیلرینین، والیدنین قورخونج بیر سوچلاما ایله قارشی قارشییا اولماسی، اوشاغین ساغلیغی و رفاهین‌دان قایغی دویولما‌سی کیمی معین شرطلر آلتین‌دا اوشاغی عائله‌سین‌دن آییرماسینا ایجازه وئریلیر.

ترامپ رهبرلیگینین یاز باشین‌دا هم یورد ایچی، هم ده دیشین‌دان تپکی ایله قارشیلانان، یاسادیشی کؤچمنلرین اوشاقلارینین عائله‌لرین‌دن آیری مرکزلرده توتولماسینا یؤنه‌لیک سیاستی سیراسیندا ۲ مین ۴۰۰دن چوخ اوشاق عائله‌لرین‌دن آیریلمیشدی.

کؤچمن حاقلاری تشکیلاتلاری، والیدینین، حاق‌سیز یئره سوچلو اولاراق گؤستریلدیگینی ادعا ائدیر.

کؤچ یئتکیلیلری ایسه آییرما اصولونون نادیر حاللاردا گرچکلشدیگینی ایفاده ائدیر.



ایلگیلی‌لی خبرلر