خسته‌خانادا سلاح‌لی سالدیری

سالدیرقانین اؤلو اولاراق اله گئچیریلدیگی بیلدیریلدی

خسته‌خانادا سلاح‌لی سالدیری

آمریکانین شیکاگو شهرین‌ده بیر خسته‌خانادا آتیش ائدیلمه‌سی سونوجو ان آز ۴ نفرین آغیر یارالاندیغی، سالدیرقانین ایسه اؤلو اولاراق اله گئچیریلدیگی بیلدیریلدی.

شیکاگودا یئر آلان "مرسی هاسپیتل" آدلی خسته‌خانایا، کیم‌لیگی هله آچیقلانمایان بیر نفر طرفین‌دن سلاح‌لی سالدیری تشکیل اولوندو.

سالدیریلا باغلی بیلگیلر آمریکا مئدیاسینا عکس اولوندو. شیکاگو پلیسی رابطه رئیسی آنتونی گوگلیلمی ده سوسیال شبکه تویتر حسابین‌دان حادثه ایله باغلی بیر آچیقلاما وئردی.

بونا گؤره، سالدیریدا بیری پلیس مأمورو و بیری ده خسته‌خانا چالیشانی اولماق اوزره ان آز ۴ نفر آغیر یارالاندی. یارالیلارین معالیجه‌لرینه درحال باشلاندیغی قید اولوندو.

شیکاگو پلیس قایناق‌لارینا دایاندیریلان ادعالارا گؤره شبهه‌لی‌نین ۳۲ یاشین‌دا بیر کیشی اولدوغو و سالدیرینین آردین‌دان اؤلو اولاراق اله گئچیریلدیگی قید ائدیلدی. پلیس، شبهه‌لی‌نین اینتیحار می ائتدیگی، یوخسا پلیس گولله‌سین ایله می وورولدوغونو آچیقلامادی.

خسته‌خانا ایچین‌ده و اطرافین‌دا گئنیش گوونلیک تدبیرلری آلینیرکن، پلیس امکداشلاری خسته‌خانایا و یا خسته‌لره قارشی هر هانسی بیر تهدید اولمادیغینی بیلدیردی.

آبش-دا سلاح‌لی زوراکی‌لیق حاللارینین ان یوکسک اولدوغو شهرلرین باشین‌دا گلن شیکاگوداکی حادثه ایله باغلی ایستینتاق آچیلارکه‌ن، پولی‌سین ایر‌لیله‌یه‌ن ساعتلاردا رس‌می آچیقلاما وئرمه‌سی گؤزلنیلیر.

 



ایلگیلی‌لی خبرلر