آمریکا، قوزئی کوره'نین گیزلی موشک تاسیس‌لرین‌دن 13ونون یئرینی تثبیت ائدیب

ایستراتژیک و بین الخالق آراشدیرما‌لار مرکزی‌نین، تیجاری اویدو گؤرونتولرین‌دن ایستیفاده ائده‌رک حاضیرلادیغی راپوردا، قوزئی کوره'ده موشک و دیگر تکنولوژیلرین اوره'تیمی اوچون ایستیفاده ائدیلن 13 گیزلی تاسیسین یئرلری‌نین آشکار ائدیلدیگی بیلدیریلدی

آمریکا، قوزئی کوره'نین  گیزلی موشک تاسیس‌لرین‌دن 13ونون یئرینی تثبیت ائدیب

 

آمریکادان‌ متخصص‌لر، قوزئی کوره'نین 20 جیواریندا اولدوغو گومان ائدیلن گیزلی موشک تاسیس‌لرین‌دن 13ونون یئرینی معین ائدیب.

ایستراتژیک و بین الخالق آراشدیرما‌لار مرکزی‌نین، تیجاری اویدو گؤرونتولرین‌دن ایستیفاده ائده‌رک حاضیرلادیغی راپوردا، قوزئی کوره'ده موشک و دیگر تکنولوژیلرین اوره'تیمی اوچون ایستیفاده ائدیلن 13 گیزلی تاسیسین یئرلری‌نین آشکار ائدیلدیگی بیلدیریلدی.

راپوردا، موشک آتما ساحه'سی کیمی ایستیفاده ائدیلمدیگی ایشاره ائدیلن تاسیس‌لرین، قوزئی کوره ایله آمریکا آراسیندا اولاجاق معتبر بیر آنلاشما چرچیوه‌سینده تفتیش ائدیلمه‌سی لازیم اولدوغو وورغولانیب.

آمریکا پرزیدنتی دونالد ترامپ ایله قوزئی کوره لیدری کیم جونگ یون'ون 12-ده سینگاپوردا بیر آرایا گلمیش، ذیروه‌نین آردین‌دان ایکی لیدر قوزئی کوره'نین نوکلئر سیلاح‌لاردان تمیزلنیلمه‌سی موضوعسوندا راضیلیغا گلمیشدی.

سون دؤورده طرف‌لر آراسیندا نوکلئر سیلاحسیزلانمایا دایر دانیشیق‌لار دایانما نقطه‌سینه گلنده، سون اولا‌راق پیونیانگ رهبرلیگی، آمریکا خاریجی ایشلر ناظیری مایک پومپئو ایله یوکسک سویه‌لی قوزئی کوره‌لی مسئول آراسیندا کئچن هفته کئچیریلمه‌سی پلان‌لاش‌دیریلان گؤروشو لغو ائتمیشدی.

قوزئی کوره آی باشیندا دا "آمریکا اؤلکه‌یه قارشی تحریملری گؤتورمه‌سه نوکلئر قوجونو گوجلندیرمگی هدفله‌ین دولت سیاستینی یئنی‌دن جانلاندیراجاغی" خبردارلیغینی ائتمیشدی.



ایلگیلی‌لی خبرلر