سودان آمریکانین ترور سیاهی‌سی آچیقلاماسین‌دان ممنون

سودان، آمریکا‌نین سودانی ترورا دستک وئرن اؤلکه‌لر سیاهی‌سین‌دان چیخارا بیله'جگی ایستیقامتین‌دکی آچیقلامانی ممنونیتله قارشیلادی

سودان آمریکانین ترور سیاهی‌سی آچیقلاماسین‌دان ممنون

سودان آمریکانین ترور سیاهی‌سی آچیقلاماسین‌دان ممنون

سودان، آمریکا‌نین سودانی ترورا دستک وئرن اؤلکه‌لر سیاهی‌سین‌دان چیخارا بیله'جگی ایستیقامتین‌دکی آچیقلامانی ممنونیتله قارشیلادی.

سودان خاریجی ایشلر ناظیرلیگی طرفیندن ائدیلن آچیقلامادا، آمریکانین، سودانی، ترورا دستک وئرن اؤلکه‌لر سیاهی‌سین‌دان چیخارماغا و ایکی اؤلکه آراسین‌داکی علاقه‌لری گوجلندیرمه‌یه حاضیر اولدوغو ایستیقامتین‌دکی آچیقلاماسین‌دان ممنونلوق قئید ائدیلیب.

آچیقلامادا، سودانین، ایستنیلن هدف‌لره چاتیلماسی اوچون ایکینجی مرحله‌یه حاضیر اولدوغو ایفاده ائدیلیب.

آمریکا پرزیدنتی دونالد ترمپ یؤنتیمی‌نین، سودانی ترورا دستک وئرن اؤلکه‌لر سیاهی‌سین‌دان چیخارا بیله'جگی قئید ائدیلمیشدی.

آمریکا خاریجی ایشلر ناظیرلیگی سؤزچوسو هیتر نوئرت، مسئله‌یه موناسیبتین آمریکا خاریجی ایشلر ناظیری کؤمکچی‌سی جان سولیوان و سودان خاریجی ایشلر ناظیری الدردیری محمد احمدین واشینگتوندا گؤروشدوگونو و ایکی اؤلکه آراسیندا یئنی بیر دؤورون آچیلماسینی احاطه ائدن ایکینجی مرحله'نی اله آلدیق‌لارینی آچیقلامیشدی.

سودان'ین ترورلا موباریزه امکداشلیغین گئنیشلندیریلمه‌سی، دین و مطبوعات آزادلیغی‌نین یانیندا اینسانی یاردیمین گلیشدیریلمه'سی، ایچساواش‌لارین دایاندیریلماسی، باریش پروسه'سی‌نین ایره‌لیلمه‌سی اوچون داها الوئریش‌لی شرایط یارادیلماسی و شما‌لی کوره ایله باغلی بیرلشمیش میللت‌لر امنیت شوراسی‌نین قرارلارینا صادق قالماسی کیمی مسئله‌لرده ایرلیلییش قئید ائتمه‌سینه تاکید ائدن نوئرت، پروسه‌لرین آمریکا طرفین‌دن ممنونیتله قارشیلاندیغینی ایفاده ائتمیشدی.

نوئرت،

بو پروسه‌لرین بیر بؤلومو کیمی، سودان عینی عزمکارلیغی گؤسترمه‌یه داوام ائدر، ایکینجی مرحله‌نین طلب ائتدیگی آلتی اساس پروبلمین اله آلینماسی و حلّینده ایرلیلییش قئیده آلینسا، آمریکا سودانی ترورا دستک وئرن اؤلکه‌لر سیاهی‌سین‌دان چیخارماغا حاضیر." دئمیشدی.



ایلگیلی‌لی خبرلر