پوتین‌دن داعش آچیقلاماسی

روسیا پرزیدنتی ولادیمیر پوتین ترور تشکیلاتی داعش-ین سوریه-ده فرات چایی‌نین گونئی ینده امریکا و آوروپا وطنداش‌لارینی اسیر آلدیغینی سؤیله‌دی.

پوتین‌دن داعش آچیقلاماسی

روسیا پرزیدنتی ولادیمیر پوتین ترور تشکیلاتی داعش-ین سوریه-ده فرات چایی‌نین گونئی ینده امریکا و آوروپا وطنداش‌لارینی اسیر آلدیغینی سؤیله‌دی.

روسیا پرزیدنتی ولادیمیر پوتین پایتاخت مسکو-دا اولوسلار آراسی دوشونجه کلوبوندا چیخیش ائتدی.

چیخیشیندا سوریه-ده ترور تشکیلاتی داعش-ین فعالیتینه توخونان پوتین بو فعالیت‌لرین امریکانین نظارتیندکی اراضیده باش وئردیگینی وورغولادی.

پوتین امریکانین فرات-ین گونئی ینده کی بؤلگه‌لرده اوزرینه دوشن وظیفه‌لری تام یئرینه یئتیرمه‌دیگینی بیلدیره‌رک، بونون نتیجه‌سینده ترور تشکیلاتی داعش-ین بؤلگه‌دکی مؤجودلوغونون آرتدیغینا دقت چکدی.

"فرات چایی‌نین دوغوسوندا امریکانین نظارتیندکی بؤلگه‌ده نه اولدوغونو هئچ کیم بیلمیر" دئین پوتین: "اورادا هله داعش قوه‌لری واردیر. داعش فرات چایی بویو امریکانین نظارتیندکی بؤلگه‌ده وارلیغینی آرتیردی. تروریست لر 700 نفری اسیر آلیب، 10 نفری اعدام ائدیب‌لر" ایفاده‌لرینی ایشلتدی.

پوتین داعش-ین اسیر آلدیق‌لاری آراسیندا امریکا و آوروپا وطنداش‌لاری‌نین دا اولدوغونو سؤیله‌دی.



ایلگیلی‌لی خبرلر