دونالد ترامپ: "سعودیه عربیستانینا احتیاجیمیز وار"

امریکا پرزیدنتی دونالد ترامپ اؤلکه‌سی‌نین اورتا دوغو لاییحه‌سینده سعودیه عربیستانی‌نین ولیهد شاهزاده سی محمد بن سلمانین اونلار اوچون کسب ائتدیگی اهمیته دقت چکه‌رک: "سعودیه عربیستانینا احتیاجیمیز وار" دئدی.

دونالد ترامپ: "سعودیه عربیستانینا احتیاجیمیز وار"

امریکا پرزیدنتی دونالد ترامپ اؤلکه‌سی‌نین اورتا دوغو لاییحه‌سینده سعودیه عربیستانی‌نین ولیهد شاهزاده سی محمد بن سلمانین اونلار اوچون کسب ائتدیگی اهمیته دقت چکه‌رک: "سعودیه عربیستانینا احتیاجیمیز وار" دئدی.

امریکا پرزیدنتی دونالد ترامپ Fox TV  کانالینا اوکتبرین 2-ده ایستانبول‌داکی سعودیه عربیستانی کونسول‌لوغونا داخیل اولدوق‌دان سونرا خبر آلینمایان سعودی ژورنالیست جمال قاشیقچی و امریکا -سعودیه عربیستانی علاقه‌لری ایله باغلی فیکیر بیلدیردی.

ترامپ امریکانین اورتا دوغو لاییحه‌سینده سعودیه عربیستانی‌نین ولیهد شاهزاده سی محمد بن سلمانین اهمیتینی وورغولایا‌راق: "سعودیه عربیستانینا احتیاجیمیز وار" ایفاده‌سینی ایشلتدی.

امریکا پرزیدنتی قاشیقچی حادثه‌سیندن سونرا "سعودیه عربیستانینا سلاح ساتیشینی دایان‌دیر" چاغیریشینی ائدن بعضی کنگره عضو‌لری‌نین اینانیلماز تضییق‌لرینه باخمایا‌راق ریاض حاکمیتینه سلاح ساتیشینی دایاندیرماغی دوشونمه‌دیگینی دیله گتیردی.

دونالد ترامپ سعودیه عربیستانینا ائدیلن 115 میلیارد دو‌لارلیق سلاح ساتیشی‌نین امریکا خالقینا 500 مین یئنی ایش ایمکانی یاراداجاغینی ادعا ائتدی.

قاشیقچی حادثه‌نین شاهزاده سلمانین خبری اولما‌دان باش وئردیگینه اومید ائتدیگینی بیلدیرن ترامپ: "منیم گؤزومده بو مهم بیر فاکتوردور" دئدی.



ایلگیلی‌لی خبرلر