قاشیقچی‌نین آداخلیسیندان مقاله

"آداخلیم جمال قاشیقچی یالنیز بیر وطن‌سئور ایدی"

قاشیقچی‌نین آداخلیسیندان مقاله

سعودی ژورنالیست جمال قاشیقچی‌نین آداخلی‌سی خدیجه چنگیز، "جمالی ایتیردیکسه یالنیز قیناماق یئتمز" دئدی.

خدیجه چنگیز، آمریکانین نیویورک تایمز قزئتی اوچون بیر مقاله قله‌مه آلدی.

"آداخلیم جمال قاشیقچی یالنیز بیر وطن‌سئور ایدی" باش‌لیغی ایله یازدیغی مقاله‌ده، قاشیقچی‌نین عاقیبتینه توخونان چنگیز، "جمالی ایتیردیکسه، اونو بیزدن آلان اینسانلار سیاسی مؤقعیتلرینه باخمایاراق جزالاندیریلمالی‌دیر" ایفاده‌سینی ایشلتدی.

چنگیز، آداخلیسیلا نئجه تانیش اولدوقلارینی آنلاتدی، "یاشاسایدی ایندی ائولنمیش اولاجاقدیق" دئدی.

قاشیقچی‌نین اؤلکه‌سینی چوخ سئودیگینی، آنجاق مستقیل شکیل‌ده یازماق اوچون عربیستان‌دان قاچدیغینی بیلدیردی.

قاشیقچی‌نی سون گؤردویو گونو یازان چنگیز، ۲ اکتبردا عربیستانین ایستانبول باش کونسول‌لوغونا بیرلیک‌ده گئتدیکلرینی یازدی.

خدیجه چنگیز،

"کونسوللوغا چاتاندا، ایچری گیردی. منه قیسا مدت‌ده اؤزون‌دن خبر آلابیلمه‌سم، تورک مقاملارینی حرکته گئچیرمه‌می ایسته‌دی. اگر بونون جمال ایله سون گؤروشوم اولدوغونو بیلسیدیم، کونسوللوغا اؤزوم گیرردیم. او بینادان بیر داها هئچ چیخمادی" ایفاده‌لرینی ایشلتدی.

هر سحر اوندان بیر خبر آلابیلمه اومودو ایله اویاندیغینی یازان چنگیز، ریاض رهبرلیگینین سسسیزلیگینین اؤزونو قورخوتدوغونو ایفاده ائتدی.

مقاله‌نی جمال قاشیقچی‌نین دوغوم گونون‌ده یازدیغینی قید ائد‌ن خدیجه چنگیز، ظلمون سون‌سوزا قدر داوام ائتمه‌یه‌جگینی وورغولادی.

"بوگون، اونون دوغوم گونون‌ده، مینلرجه جمال دوغوولاجاق‌دیر" دئدی.



ایلگیلی‌لی خبرلر