پوتینه گووه‌ن آزالیر

پوتینه اولان گووه‌ن قیریمین ایلحاقیندان سونرا یوزده ۵۱ سویه‌سینه چیخمیشدی

پوتینه گووه‌ن آزالیر

 روسیادا پرزیدنتی ولادیمیر پوتینه گووه‌ن، سون ۵ ایلین ان آشاغی سویه‌سین‌ده.

اؤلکه‌ده‌کی لئوادا آراشدیرما مرکزینین ائتدیگی سورغو نتیجه‌لرینه گؤره، سپتامبر اعتباریله پوتینه گووه‌ن نیسبتی، فوریه ۲۰۱۴دن بو یانا ان آشاغی سویه اولان یوزده ۳۹ اولدو.

بئله‌لیکله، روسیا لیدئرینه گووه‌ن ۲۰۱۷نین نوامبر آیین‌دان بو یانا یوزده ۲۰ دوشموش اولدو.

پوتینین محبوبیتینین آزالماسین‌دا سون دؤورده اؤلکه گوندمینی مشغول ائد‌ن امکلیلیک اصلاحاتینا قارشی ائدیلن اعتراضلارین تأثیرلی اولدوغو بیلدیریلیر.

آیریجا اؤتن ایلده‌ن اعتبارا باش وئره‌ن رئال گلیرلرده‌کی دوشوشون و قیمتلرین یوکسلمه‌سینین بو نتیجه‌ده تأثیرلی اولدوغو یوروملاری ائدیلیر.

پوتین گئچن هفته امکلیلیک یاشی قادینلار اوچون ۵۵دن ۶۰آ، کیشیلر اوچون ده ۶۰دان ۶۵ه چیخاران اصلاحات لایحه‌سینی تصدیق ائتدی.

پوتینه اولان گووه‌ن قیریمین ایلحاقیندان سونرا یوزده ۵۱ سویه‌سینه چیخمیشدی.

لئوادانین آگوست ۲۰۱۳ده آچیقلادیغی سورغو نتیجه‌لرینه گؤره، پوتینه اولان ان دوشوک اعتیماد یوزده ۳۰ سویه‌سین‌ده ایدی.

ولادیمیر پوتین، بو ایلین مارس آیین‌دا ائدیلن سئچیملرده آلدیغی یوزده ۷۶ سسله پرزیدنت اولدو.

آمریکا آراشدیرما مرکزی پئوین بو آیین اولین‌ده یاییملادیغی سورغو نتیجه‌لرینه گؤره ایسه دونیا اهالی‌سینین یوزده ۳۰و پوتینه گوونیر.

چین دؤولت باشقانی شی جینپینگه گووه‌ننلرین نیسبتی ایسه یوزده ۳۴. آمریکانین پرزیدنتی دونالد ترامپ اوچون بو نیسبت یوزده ۲۷ده قالدی.

بوتون دونیا لیدئرلری آراسین‌دا ان یوکسک سسه صاحب اولان ایسه یوزده ۵۲ ایله آلمانیا باشباخانی آنگلا مرکل اولدو.



ایلگیلی‌لی خبرلر