دیکتاتور داشیناجاق

مجلسده‌کی سس‌وئرمه‌ده ۱۷۲ له‌ده و ۲ علیه‌ده سس وئریلدی

دیکتاتور داشیناجاق

ایسپانیادا نماینده‌لر مجلیسی، دیکتاتور ژنرال فرانسیسکو فرانکونون مزارینین، باشکند مادرید یاخینلیغین‌داکی آنیددان داشینماسینی قبول ائدیب.

بی‌بی‌سی‌نین خبرینه گؤره، پارلمانین آلت قانادینی تشکیل ائد‌ن نماینده‌لر مجلسین‌ده‌کی سس‌وئرمه‌ده ۱۷۲ له‌ده و ۲ علیه‌ده سس وئریلدی. ۱۶۴ میلت وکیلی ده طرفسیز قالدی.

ژوئن آیین‌دا وظیفه‌یه گلن سوسیالیست باشباخان پدرو سانچز، فرانکونون سوموکلرینین واله دو لوس کایدوس آنیدین‌دان چیخاریلماسینی اؤنجه‌لیکلرین‌دن بیری حالینا گتیرمیشدی.

سانچز تویتر اوزرین‌دن وئردیگی آچیقلاما‌دا،

"عدالت، حافظه، شرف. بو گون ایسپانیا تاریخی بیر آددیم آتیر بو گون دموکراسیمیز داها یاخشی بیر حالا گلدی" یازدی.

۱۹۳۶-۱۹۳۹ ایسپانیا ایچ ساواشینین آردین‌دان ۱۹۷۵ده‌کی اؤلومونه قدر اؤلکه‌نی دمیر یومروقلا یؤنه‌تن ژنرال فرانکو، مادریدین ۵۰ کیلومتر دیشینداکی بیر داغین اوزرینه اویولان کیسه‌ده‌کی آنید مزاردا یاتیر.



ایلگیلی‌لی خبرلر