کارن پیرس: "جمهور باشقانی اردوغانین فیکیرلرینه تامامیله قوشولوروق"

کارن پیرس تورکیه پرزیدنتی رجب طیب اردوغانین وال استریت ژورنال قزئتینده درج اولونان ادلیب ایله باغلی مقاله‌سینه ایستیناد ائده‌رک: "پرزیدنت اردوغانین فیکیرلرینه تامامیله قوشولوروق" دئدی.

کارن پیرس: "جمهور باشقانی اردوغانین فیکیرلرینه تامامیله قوشولوروق"

اینگیلتره‌نین بمت-دکی دایمی نماینده‌سی کارن پیرس تورکیه پرزیدنتی رجب طیب اردوغانین وال استریت ژورنال قزئتینده درج اولونان ادلیب ایله باغلی مقاله‌سینه ایستیناد ائده‌رک: "پرزیدنت اردوغانین فیکیرلرینه تامامیله قوشولوروق" دئدی.

بیرلشمیش میللت‌لر تشکیلاتی‌نین تهلوکه‌سیزلیک شوراسی روسیانین تشببوسو ایله تورکیه پرزیدنتی رجب طیب اردوغان، روسیانین دؤولت باشچی‌سی ولادیمیر پوتین و ایران پرزیدنتی حسن روحانی‌نین تهراندا کئچیردیک‌لری اوچ طرف‌لی ذیروه گؤروشونون نتیجه‌لرینی و ادلیب‌دکی پروسئس‌لری موذاکیره ائتمک اوچون توپلانتی کئچیردی.

اینگیلتره‌نین بمت-دکی دایمی نماینده‌سی کارن پیرس توپلانتیدا چیخیش ائده‌رک بون‌لاری سؤیله‌دی: "اسد رژیمی‌نین و روسیانین ادلیبه هوجوم ائتمه‌سی، یا دا تورکیه‌نین تروریست لری آییرد ائده‌رک، اونلارلا موباریزه ائتمه‌سی آراسیندا سئچیم ائتمه‌لیگیک. تورکیه‌نین ادلیب اوچون بیر پلانی وار، موخالیف‌لر تروریست لر ایله موباریزه ائدرکن رژیم اونلارا هوجوم ائتمه‌یه‌جک. شورا بونو موذاکیره ائتمه‌لی‌دیر".

کارن پیرس پرزیدنت اردوغانین " وال استریت ژورنال قزئتینده درج اولونان ادلیب ایله باغلی مقاله‌سینه ایستیناد ائده‌رک: "پرزیدنت اردوغانین فیکیرلرینه تامامیله قوشولوروق" ایفاده‌سینی ایشلتدی.

امریکانین بمت-دکی دایمی نماینده‌سی نیکی هیلی ده روسیا و اسد رژیمی‌نین ادلیبه هوجوم‌لاریندا چللک بومبا‌لاری و راکت‌لردن ایستیفاده ائدیلدیگینی، خسته‌خانا‌لارین هدفه آلیندیغینی بیلدیردی.

هیلی بون‌لاری قئید ائتدی: "روسیا و ایران سوریه-ده یاپیجی آکتیورلار کیمی اعتبارلارینی نوماییش ائتدیرمک اوچون هر نوع ایمکانا مالیک ایدی‌لر، اما بو ایمکان‌لارا نه اولدو؟ اؤزلری‌نین چاتیشمازلیک زونا‌لاری راضیلاشما‌لارینی گولونج و سیستماتیک اولا‌راق پوزدولار. ادلیبه هر هانسی بیر هوجوم گرگین‌لیگی آرتیرا‌جاق. اسد، روسیا و ایران بو یوللا داوام ائتسه‌لر، نتیجه‌لری دهشت‌لی اولار. آستانا دانیشیق‌لاری اوغورسوز اولدو، زوراکی‌لیغی دایان‌دیرا، سیاسی پروسئسی دستکله‌یه بیلمه‌دی" دئیه دانیشدی.

فرانسانین بمت-دکی دایمی نماینده‌سی فرانسوا دلاتره ده سوریه-ده کی بحرانا سیاسی حل تاپیلما‌دان اؤلکه‌نین برپاسینا دستک وئرمه‌یه‌جک‌لرینی بیلدیردی.



ایلگیلی‌لی خبرلر