آوروپا بیرلیگیندن، میصره اعدام جزاسی اعتراضی

کوچینیاک، دایاناق‌لی ثابت‌لیک و امنیتین یالنیز اینسان حاق‌لارینا و اساس آزادلیق‌لارا تام حؤرمتله ال اله گئدجگینی قئید ائدیب

آوروپا بیرلیگیندن، میصره اعدام جزاسی اعتراضی

آوروپا بیرلیگی، میصرده،موسلمان قارداش‌لار تشکیلاتی (اخوان) عضوو 75 نفره اعدام جزاسی وئریلمه‌سی ایله باغلی "موتتهم‌لرین عدالت‌لی محاکیمه اولونما حاق‌لاری ایله باغلی جیدی شوبهه‌لر اولدوغونو" بیلدیریب.

آوروپا کومیسیونونون سؤزچوسو مایا کوچینیاک، ائتدیگی یازی‌لی آچیقلامادا، هر شرایطده اعدام جزاسینا قارشی اولدوق‌لارینی خاطیرلادا‌راق،

اوسته لیک"، بو دعوانین شرط‌لری، قانونا اویغونلوق و خصوصیله ده موتتهم‌لرین عدالت‌لی محاکیمه اولونما حاق‌لاری مسئله‌سینده جیدی شوبهه‌لر دوغورور." خبردارلیق ائتدی.

کوچینیاک، دایاناق‌لی ثابت‌لیک و امنیتین یالنیز اینسان حاق‌لارینا و اساس آزادلیق‌لارا تام حؤرمتله ال اله گئدجگینی قئید ائدیب.

میصرده محکمه 8 سپتامبردا، رابعه میدانی‌نین بوشالدیلماسی حادثه‌لری محکمه‌سینده محاکیمه اولونان، آرا‌لاریندا رابعه العدویه میدانیندا 2013دکی قان‌لی باسقیندا شهید ائدیلن 17 یاش‌لی اسمانین آتاسی اخوان رهبرلرین‌دن محمد البلتاجی‌نین ده آرا‌لاریندا اولدوغو 75 نفر حاقیندا اعدام قراری وئرمیشدی.

محکمه‌نین قرارینا اوست محکمه یولونون آچیق اولدوغو بیلدیریلمیشدی.

اؤلکه‌ده، دموکراتیک اصول‌لارلا سئچیلمیش ایلک پرزیدنتی محمد مورسی‌نین 3 یول 2013ده چئوریلیشله وظیفه‌دن آلینماسی‌نین آردین‌دان رابعه میدانیندا اعتراض‌لار باشلامیش و 14 آوقوست 2013-جی ایل تاریخینه قدر داوام ائتمیشدی.

امنیت گوجلری، 14 آوقوست گونو سحر ارکن ساعات‌لاریندا میدانا قان‌لی بیر شکیلده موداخیله ائتمیش، حادثه‌لرده رسمی معلومات‌لارا گؤره 8ی پولیس 632 نفر اؤلموشدو.

حادثه‌لرله باغلی اخوان رهبرلری باشدا اولماقلا اؤلکه‌دکی اؤنملی ایسیم‌لرین ده آرا‌لاریندا یئر آلدیغی 300و زیندانی 739 موتتهم محاکیمه اولور.



ایلگیلی‌لی خبرلر