آوروپا بیرلیگی کومیسیونو، ساعات دییشیک‌لیگی قونوسوندا دوزنلمه تکلیفی ائتدی

بونا گؤره، آوروپا بیرلیگی عضوو اولان اؤلکه‌لر 2019-جی ایلدن اعتباراً، مؤوسومی ساعت تطبیقینی قویا‌جاق و تک بیر ساعاتا کئچه‌جک

آوروپا بیرلیگی کومیسیونو، ساعات دییشیک‌لیگی قونوسوندا دوزنلمه تکلیفی ائتدی

آوروپا بیرلیگی کومیسیونو، عضو اؤلکه‌لرده یای و قیش آیلاریندا ساعات دییشیک‌لیگی ائدیلمسینه سون قویولماسینا یؤنلیک دوزنلمه تکلیفی ائتدی.

آوروپا کومیسیونونون پرزیدنتی یان کلود یونکر، بیرلیگین وضعیتی چیخیشیندا، موجود یاز و قیش ساعاتی تطبیقی‌نین دییشدیریلمه‌سینه یؤنه‌لیک کئچیرمک تکلیفینی آچیقلاییب.

بونا گؤره، آوروپا بیرلیگی عضوو اولان اؤلکه‌لر 2019-جی ایلدن اعتباراً، مؤوسومی ساعت تطبیقینی قویا‌جاق و تک بیر ساعاتا کئچه‌جک.

عضو اؤلکه‌لر، آوریل 2019ا قدر یای و یا قیش ساعتی آراسیندا دایمی بیر سئچیمده اولا‌جاق.

یاز ساعاتینی اوستونلوک وئرن‌لر اوچون سون مجبوری دییشیک‌لیک 31 مارس 2019-جی ایل تاریخینده کئچیریله‌جک. دایمی اولا‌راق قیش ساعاتینا کئچه‌جک اؤلکه‌لر ایسه سون ساعت دییشیک‌لیگینی 27 اوکتوبر 2019دا ائده‌جک.

دوزنلمه نین یاسا‌لاشماسی اوچون آوروپا بیرلیگی شوراسی و آوروپا پارلامنتی‌نین رسمی راضی‌لیغی لازیم‌دیر.

آوروپا بیرلیگینین 28 عضو اؤلکه‌سینده 1981ده ائدیلن بیر دوزنلمه ایله هر ایلین مارس آیی‌نین سون بازار گونو ساعات‌لار بیر ساعات ایره‌لی آلینارکن، اوکتوبر آیی‌نین سون بازار گونو ده بیر ساعات گئرییه آلینیر.

آوروپا پارلامنتی، اؤتن آیلاردا آوروپا بیرلیگی ایچینده یاز ساعاتی تطبیق ائتمه‌سینه سون وئریلمه‌سینی نظرده توتان قطعنامه قبول ائتمیشدی.

آوروپا بریلیگی کومیسیونو‌نون، یاز ساعاتی تطبیق ائتمه‌سی حاقیندا فیکیر آلماق اوچون 4 ژوئیه-16 آوقوست تاریخ‌لرینده ائتدیغی آنکت ده 4،6 میلیون نفر قاتیلمیش، بونلارین یوزده 84و یاز و قیش دؤنملرینده فرق‌لی ساعات تطبیق ائتمه‌سینه قارشی چیخمیشدی.



ایلگیلی‌لی خبرلر