سوئد-ده سئچکی نتیجه‌لری

سپتامبرین 9-دا سوئد-ده باش توتان پارلامئنت سئچکی‌لری‌نین نتیجه‌لرینه گؤره سوسیال دموکرات‌لار پارتیسی 26،2 فایز سس نیسبتیله بیرینجی یئری توتوب.

سوئد-ده سئچکی نتیجه‌لری

سپتامبرین 9-دا سوئد-ده باش توتان پارلامئنت سئچکی‌لری‌نین نتیجه‌لرینه گؤره سوسیال دموکرات‌لار پارتیسی 26،2 فایز سس نیسبتیله بیرینجی، ایفرات ساغ میل‌لی دموکرات‌لار پارتیسی ایسه 19،2 فایز سس نیسبتیله ایکینجی یئری توتدو.

10 میلیونلوق سوئد اها‌لی‌سی‌نین تخمینن 7،5 میلیون قئیدیات‌دان کئچمیش سئچیجی‌سی 29 سئچکی دایره‌سینده اؤز حقوقون‌دان ایستیفاده ائدیب. سئچیجی‌لر 349 یئره مالیک ریکسداقا دؤرد ایل مودتینه تخمینن 6،300 نامیزد آراسیندان سئچیم ائدیب‌لر.

سوسیولوق‌لارین اولجه‌دن تخمین ائتدیگی کیمی، سئچکی‌لر گؤزلنیلمز و یئنی حکومتین فورمالاشماسینی چتین‌لشدیرن نتیجه ایله بیتیب.

بئله کی، ایلکین نتیجه‌لره اساساً، 40،6 فایز سس ایله سوسیال دموکرات‌لار، یاشیل‌لار و سول پارتینین بیرلیگی پارلامئنتده 144 یئر قازانیب. آردینجا 40،3 فایز سس ایله مودرات‌لار، مرکز، لیبرال‌لار و خریستیان-دموکرات‌لار پارتی‌ لری‌نین یئر آلدیغی "آلیانس" بلوکو پارلامئنتده 143 یئر قازانیب. سئچکی‌لرده ان چوخ ماراق دوغوران سیاسی پارتی اولان میللیتچی، آنتی‌ قاچقین سوئد دموکرات‌لاری پارتیسی ایسه سس‌لرین تخمینن 17،6 فایزینی قازانا‌راق اوچونجو یئرده قرارلاشیب.

یئرلی مئدیانین وئردیگی معلوماتا اساساً، سئچکی‌لرین نتیجه‌لری اونو دئمه‌یه ایمکان وئریر کی، هئچ بیر طرف اکثریت حکومتینی قورا بیلمه‌یه‌جک.



ایلگیلی‌لی خبرلر