آوروپا بیرلیگیدن ایدلیب اویاریسی
ایستراتژیک موقعیت دکی ایدلیبده باش وئرهجک هر هانسی بیر چاتیشمانین، تورکیه و آوروپایا بؤیوک کؤچ دالغاسینی تکان وئرمهسی احتیمالی وار.
آوروپا بیرلیگی خاریجی علاقهلر و امنیت سیاستی عالی نمایندهسی فدریکا موگرینی، سوریه نین ایدلیب شهرینه احتیمال اولونان سالدیرینین، اونسوز دا کیفایت قدر عذاب چکمیش خالق اوزرینده داغیدیجی نتیجهلر دوغورا بیله جگی بارهده خبردارلیق ائدیب
موگرینی، بلژیک ین باشکندی بروکسل ده آوروپا بیرلیگی سفیرلر کونفرانسیندا ائتدیگی آچیلیش دانیشمادا سوریه ده ساواشینین هله بیتمدیگینی قئید ائدهرک،
"ایدلیبه احتیمال اولونان بیر سالدیری اونسوز دا کیفایت قدر عذاب چکمیش خالق اوزرینده داغیدیجی نتیجهلر دوغورا بیلر. بو هفتهلرده بونو انگللمک اوچون الیمیزدن گلنی ائتملیگیک." ایفادهلرینی ایستیفاده ائتدی.
یاخین شرقدکی دیگر بیر پروبلم اولان ایسرائیل-فیلیسطین گرگینلیگینین ده آرتدیغینا و ایکی دولتلی حلّ چاتماغین گئتدیکجه چتینلشدیگینه دقتی چکن موگرینی،
"بوتون دونیا، کاوس آنینا دوغرو گئدیر آنجاق بورادا سوال، بو سادهجه بیر آنلیق، یوخسا اوزون دؤورلو بیر ترند می؟" ایفادهلرینی ایستیفاده ائتدی.
سوریه ده موخالیفلرین سون قالاسی ایدلیبده 4 میلیونا یاخین وطنداش، اسد رژیمی و هاوادارلارینین مومکون عملیاتیندان ناراحاتلیق دویور.
ایستراتژیک موقعیت دکی ایدلیبده باش وئرهجک هر هانسی بیر چاتیشمانین، تورکیه و آوروپایا بؤیوک کؤچ دالغاسینی تکان وئرمهسی احتیمالی وار.