اردوغانین، چاغیریشینا روسیا‌دان دستک آچیقلاماسی گلدی

پرزیدنت رجب طیب اردوغانین، میللی پوللا تیجارت چاغیریشینا روسیا‌دان دستک آچیقلاماسی گلدی.

کرملین دن ائدیلن آچیقلامادا بونو بوتون اؤلکه‌لرله حیاتا کئچیرمک اوچون چالیشدیق‌لاری بیلدیریلیب.

پسکوو، تورکیه ایله میللی پول واحیدلری واسطه‌سیله تیجارته مثبت باخدیق‌لارینی و بو مسئله‌نین بیر مدت‌دیر کی، گوندمده اولدوغونو قئید ائدیب.

پسکوو، "قارشی‌لیق‌لی تیجارت عملیات‌لاریندا میللی پول‌لارینی ایستیفاده ائتمه مسئله‌سی، روسیا طرفین‌دن ان یوکسک سویه ایله بیرلیک ده موختلیف سویه‌لرده اوزون مدت‌دیر و آردیجیل اولا‌راق گوندمه گتیریلیر. پرزیدنت ولادیمیر پوتین، بونون مومکون، حتی اویغون اولدوغونو بیر نئچه دفعه دیله گتیردی" دئیه دانیشدی.

پسکوو، میللی پول‌لارلا تیجارته کئچید اوچون موضوع اوزرینده حساسیت ایله چالیشیلدیغینی سؤیله‌دی.