سوئد-ده کئچن ایل 38 مسجیده هوجوم ائدیلیب

اوپسالا اونیورسیته سینین حاضیرلادیغی راپوردا 2017-جی ایلده مسجیدلره ائدیلن هوجوم‌لارین بیر ایل اوله گؤره 10 دفعه آرتدیغینا دقت یئتیریلدی.

سوئد-ده کئچن ایل 38 مسجیده هوجوم ائدیلیب

اوپسالا اونیورسیته سینین حاضیرلادیغی راپوردا 2017-جی ایلده مسجیدلره ائدیلن هوجوم‌لارین بیر ایل اوله گؤره 10 دفعه آرتدیغینا دقت یئتیریلدی.

سوئد اینانج بیرلیگی ایداره‌سی‌نین امکداشی ماکس استوکمان دؤولت تلویزیونو SVT-یه وئردیگی موصاحیبه‌ده مسجیدلری هدف آلان هوجوم‌لارین آرتماسی فاکتی‌نین سوئد-ده دین آزادلیغینی جدی درجه‌ده تهدید ائتدیگینی وورغولادی.

سوئد آنایاساسی نین اساس ماده لریندن بیری اولان دین آزادلیغی‌نین قارشیلاشدیغی تهلوکه‌نین دؤولت طرفیندن آرا‌دان قالدیریلماسی‌نین واجیب‌لیگینی وورغولایان استوکمان: " هر کس دینی‌نی تهلوکه‌سیز بیر شکیلده یاشاما‌لی‌دیر. دؤولتین اساس وظیفه‌سی دین آزادلیغینا تهلوکه یارا‌دان عنصورلار ایله موباریزه ائتمک‌دیر. قوروموموز مسلمان‌لارا و یهودی‌لره ائدیلن هوجوم‌لارا گؤره ناراحات‌دیر" دئدی.

سوئد عدالت و ایچ ایشلر ناظیری مرگان جانسون دا هوجوم‌لاری "دهشت‌لی" اولا‌راق سجیلندیردی.

هوجوم‌لارین آرتماسی‌نین تکجه سوئد-ده دئییل، رادیکال میللتچی‌لیکله بیرلیکده بوتون آوروپادا موشاهیده اولوندوغونو بیلدیرن جانسون سیاسی پارتی‌لرین دا سیاست‌لرینده خاریجی‌لر فاکتورون‌دان سوء-ایستیفاده ائتدیک‌لرینی، قاچقینلار، خصوصیله ده، مسلمان‌لارا قارشی چوخ سرت ایفاده‌لر ایشلتدیک‌لرینه دقت چکدی.

مسجیدلری قوروماق اوچون گؤرولن تدبیرلری آرتیرا‌جاق‌لارینی قئید ائدن جانسون مسئله ایله باغلی خصوصی پولیس دسته‌سی آیریلدیغینی و بوتون مسجیدلرین تهلوکه‌سیزلیک کامئراسی ایله تجهیز ائدیله‌جگینی سؤیله‌دی.



ایلگیلی‌لی خبرلر