نیجریه‌ده 4 آیدا 25 اوشاق اؤلدو

ایالتین قیدالانما ایداره‌سی‌نین باشقانی سعیدو عمر، ائتدیگی یازیلی آچیقلامادا، 4 آیدا 25 اوشاغین یئترسیز قیدالانما سببیله اؤلدوغونو بیلدیریب

نیجریه‌ده 4 آیدا 25 اوشاق اؤلدو

نیجریه‌نین قوزئییینده یئرلشن جیگاوا ایالتینده یئترسیز قیدالانما سببیله 4 آیدا 25 اوشاق اؤلدو و تخمینن 19 مین اوشاق دا معا‌لیجه آلتینا آلیندی.

ایالتین قیدالانما ایداره‌سی‌نین باشقانی سعیدو عمر، ائتدیگی یازیلی آچیقلامادا، 4 آیدا 25 اوشاغین یئترسیز قیدالانما سببیله اؤلدوغونو بیلدیریب.

عمر، آچیقلاماسیندا،

یئتئرسیز قیدالانما سببیله 2018ین ژانویه آیی ایله آوریل آیی آراسیندا ایالتده 18 مین 652 اوشاق خسته‌خانایا قال‌دیریلا‌راق معا‌لیجه آلتینا آلیندی و بو اوشاق‌لاردان ان آز 25ی اؤلدو." ایفاده‌لرینی ایستیفاده ائتدی.

ایالت رهبرلیگی و بیرلشمیش میللت‌لر (بمت) طرفین‌دن بیرگه آپاریلان ایشلر چرچیوه‌سینده 2017ده 10 مین اوشاغا ارزاق دستی وئریلدیگینی دیله گتیرن عمر، ارزاق چاتیشمامازلیغی ایله موباریزه ائتمک اوچون بؤلگه امنیتی‌نین تامین اولونماسی و داها آرتیق یاردیم گؤستریلمه‌سی لازیم اولدوغونون وورغولاییب.

تخمینن 200 میلیون اینسانین یاشادیغی آفریقانین ان چوخ اها‌لییه مالیک اؤلکه‌سی نیجریه‌ده اتنیک موناقیشه‌لر، ترور، یولوخوجو خسته‌لیک‌لر و قیت‌لیق و ایقتیصادی پوزونتولار سببین‌دن یوز مین‌لرله اینسان آجلیق سرحدی‌نین آلتیندا یاشاییر.



ایلگیلی‌لی خبرلر