تیلرسون وظیفه‌دن آلیندی

"تیلرسون ایله ایران داخیل، بیر چوخ مسئله‌ده فیکیرلریمیز عینی دئییلدی"

تیلرسون وظیفه‌دن آلیندی

آمریکا پرزیدنتی دونالد ترامپ، خاریجی ایشلر باخانی رکس تیلرسونو وظیفه‌دن آلدی.

اؤلکه‌نین یئنی دیش ایشلری باخانی، مرکزی خبر آلما تشکیلاتی سی‌آی‌ای باشقانی مایک پامپیو اولدو.

پامپیودان بوشالان یئره ایسه جینا هاسپل گتیریلدی.

هاسپل، بو وظیفه‌یه گلن ایلک قادین اولدو.

ترامپ، تیلرسونون وظیفه‌دن آلدیغینی تویتر حسابی اوزرین‌دن بیلدیردی.

تیلرسون قراری سونراسی ژورنالیستلره دانیشان پرزیدنتی ترامپ،

"تیلرسونو وظیفه‌دن آلماق قراریمی تک باشیما وئردیم. تیلرسون ایله ایران داخیل، بیر چوخ مسئله‌ده فیکیرلریمیز عینی دئییلدی. پامپیویا گوونیم تام. ایلک آندان اعتباراً پامپیو ایله چوخ یاخشی آنلاشدیق. سیآی‌ای‌ین ایلک قادین باشقانینین باشاریلی اولاجاغیندان آرخایینام" شکلینده دانیشدی.

دونالد ترامپ ایله خاریجی ایشلر باخانی رکس تیلرسون آراسین‌دا آمریکا خاریجی سیاستین‌ده هارداسا هر اؤنملی مسئله‌ده اورتایا چیخان فیکیر آیری‌لیقلارینین "تعمیری چتین" بیر حال آلماغا باشلادیغی بیلدیریلیردی.



ایلگیلی‌لی خبرلر