آلمانیا ترور آکسیا‌لارینا قارشی چیخما‌لی‌دیر

آلمانیادا برلین ایالت اینتگراسیون شعبه‌سی‌نین مودیری آندراس گرمرشاوسن اؤلکه‌سی‌نین ترور آکسیا‌لارینا قارشی رئاکسیا وئرمه‌لی اولدوغونو بیلدیردی.

آلمانیا ترور آکسیا‌لارینا قارشی چیخما‌لی‌دیر

برلین ایالت اینتگراسیون شعبه‌سی‌نین مودیری آندراس گرمرشاون راینیکن دورف قصبه سینده کی کوجا سینان مسجیدینه قارشی تؤره‌دیلن هوجوم حاقیندا آچیقلاما وئردی.

گرمرشاوسن آچیقلاماسیندا: " آلمانیا آییق-ساییق اولما‌لی و ترور آکسیا‌لارینا قارشی چیخما‌لی‌دیر" دئدی.

اینتگرسیون شعبه‌سی‌نین مودیری راینیکن دورف قصبه سینده کی مسجیدین یاندیریلماسینا و اؤلکه‌نین باشقا شهرلرینده تؤره‌دیلن بنزر هوجوم‌لارا نیفرت ائتدیگینی و دهشت ایچینده اولدوغونو بیلدیردی.

حادثه‌لرین آرخا پلانین‌داکی سیاسی موتیو‌لرین اهمیت‌لی اولمادیغینی ایفاده ائدن گرمرشاوسن:" عبادتگاه لاری یاندیرمانین بیر هدفی وار: قورخونو یایماق و قورخوتماق، خالقین بیر حیسه‌سی اوزرینده ترور تطبیق ائتمک" دئدی.

گرمرشاوسن برلین-ده کئچمیشده سیناقوق‌لارین دا یاندیریلدیغینی، بو گون ایسه بوتون عبادتگاه‌لارین قورونماسی‌نین ضروری اولدوغونو وورغولادی.

آلمانیا ایچ ایشلر ناظیرلیگی‌نین 2017-جی ایلده مسلمان‌لارا و مسجیدلره 950-دن چوخ هوجوم ائدیلمه‌سی ایله باغلی معلوماتینا دقتی چکن گرمرشاوسن بو سون هوجوم‌لارین آرخاسیندا کیم‌لرین دوردوغونون هله معلوم اولمادیغینی بیلدیردی و آچیقلاماسینی بو جمله‌لرله بیتیردی: "بو حادثه‌ده گوناهکارین کیم اولدوغو اهمیت‌لی دئییل. پولیسین و محکمه‌نین بو ترورا قارشی سرت شکیلده قارشی چیخماسینی گؤزلییرم".



ایلگیلی‌لی خبرلر