آمریکادان ایران و روسیایا تپکی

سوریه‌ده‌کی ایران تأثیرینی یوخ ائتمک و اؤلکه‌دن ایران دستک‌لی گوجلری چیخارماق آماجی ایله سرت تحریملر گتیریله‌جک

آمریکادان ایران و روسیایا تپکی

آمریکا، ایرانین سوریه‌ده‌کی تأثیرینی یوخ ائتمک آماجی ایله سرت تحریملر قویمایا حاضیرلاشیر.

آمریکا خاریجی ایشلر باخانی یاردیمچیسی و اورتادوغو ایلیشکی‌لرین‌دن سوروملو یاردیمجیسی دیوید ساترفیلد، قونویا دایر بیر سوالا وئردیگی جاواب‌دا، سوریه‌ده‌کی ایران تأثیرینی یوخ ائتمک و اؤلکه‌دن ایران دستک‌لی گوجلری چیخارماق آماجی ایله سرت تحریملر گتیرمه‌گی پلانلادیقلارینی بیلدیردی.

سنا دیش ایلیشکی‌لر کمیته‌سینین سواللارینی جاوابلان‌دیران ساترفیلد، آمریکانین سوریه‌ده‌کی ایران گوجلرینی نئجه اؤلکه‌دن چیخاراجاغینا دایر سوالا ایسه،

"بو بیر سیرا تدبیرلرینبیرلشیمی ایله ائدیله‌جک. ایلک و اؤنجه‌لیکلی اولان آددیم ایسه، آمریکا و اورتاقلاریمیز طرفین‌دن، فیزیکی واسطه‌لردن محروم بوراخما و ایرانین فعالیتلرینین مالی قیسمینا اویقولاناجاق سرت تحریم و تدبیرلر اولاجاق" دئدی.

ساترفیلد، واشینگتونون سوریه مسئله‌سین‌ده، آی سونون‌دا روسیانین سوچی شهرین‌ده دوزنلنه‌جک سوریه میلی دیالوگ کنگره‌سینه "قارشی‌لیق اولاراق" بیرلشمیش میلتلر اوزرین‌دن حرکت ائتمه نیتین‌ده اولدوغونو دا بیلدیردی.

ساترفیلد،

"بیز، آمریکانین و اولوسلارآراسی توپلومون بوتون ائدیکلری باره‌ده بیرلشمیش میلتلر اوزرین‌دن، گوونلیک شوراسینین ۲۲۵۴ سایی‌لی قرارین مشروعیتی اوزرین‌دن حرکت ائتمه نیتینده‌ییک. بونلار سوچییه، روسیانین  (چؤزوم پروسه‌سین‌ده) کنترل قورماغا و اؤز گوند‌می ایله سینیرلی قالمایا یؤنه‌لیک تشبوثلرینه بیر قارشی‌لیق" دئدی.

ساترفیلد، سؤزلرینی،

"روسیانین آپاردیغی آلترناتیو (چؤزوم) پروسه‌سینی مشروعلاشدیرابیلمریک و مشروعلاشدیرمایاجاییق" دئیه داوام ائتدیردی.



ایلگیلی‌لی خبرلر